اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي # امل مهدي # البارت السادس والعشرين ****************** صـــــاح: الله أكبر، عمّي خيعونك ما يسوون إظفرك خلهم يولّون ما عدهم كلب ذولا اللّي يخونونك تتعذّب عليمن أنتَ هم إنسان؟ بس دوس أعلى كلبك لا يدوسونك
****************** صعدت بسيارت الشيخ بالكشن الوره وزوجته كدام مشت بينه السياره الشيخ رجال جبير ومبين مومن كل اشويه يصلي على الرسول ويذكر الله ويحجي ويه زوجته عادي بعدين دك مبايله الو.... عليكم السلام اي قريب نوصل اي ويانه لعد اشلون يله الله وياك
من خلال اجوبته عرفت المتصل فرقد وديطمن اني جايه ويا هم لو لا
وصلنه العماره ويه ما وكفت السياره نزل فرقد واجانه تقدم من باب الشيخ صافحه وبوسه والشيخ ظل لحظات يحاجي بصوت ناصي كانه يوصي عليه سلمت على مرت الشيخ ونزلت وظليت واكفه بصف السياره اصابعي متحاضنه ابعظه وواكفه اريد اثبت ايدي ماكو ترجف متوتره احاول اهدي من نفسي اباوع على المحلات بس ماكو فايده هيه لحظات بس انجمع بيهن كل انواع الشعور بنسب متفاوته خوف.. لهفه.. رهبه.. زعل... غضب... حقد.. اشتياق... حرمان.. اهانه... كلشي يجسد حياتي ويه فرقد صعد الشيخ بسيارته وطلع وتقدم بتجاهي فرقد باوعلي اصعدي شهد... مجرد هاي الكلمه كالهه بدون مقدمات عرفت شنو بكلبه صعد... واني ورى فتح باب الشقه ودخلنه الشقه نظيفه وعلى وضعه دخل الغرفه يمكن اخذ فلوس وكال هسه اجي طلع... واني اباوع ورى جانت مغربيه فتحت التلفزيون على القرآن اريد اهدأ شويه كمت افتريت بالشقه نفسه والغراض َمال كرجيه ونوال ابمكانهن يعني شنو يضحك علينه كال طلعو من الشقه كعدت على التخم بخيبة امل اشك عايفهن دشوف اشضاملي فرقد من مفاجات بعد انفتحت الباب فرقد جايب اكل من بره وقواطي ببسي خلاهم بالمطبخ فرقد... هاي شنو بعدج ما بدلتي دفوتي غيري ملابسج وحضرينه الاكل يحجي كانه البارحه جنه سويه ولا كانه مرت شهرين مليئه باحداث مره دخلت ملابسي مثل ما هن سحبت دشداشه عريضه لبسته ورحت للمطبخ رتبت الاكل بالماعين وخليته بصينيه هو مرتين دخل ورايه مره يشرب مي ومره افتر وطلع بس كال خلي الجاي على النار ورجع للهول جبت الصينيه خليته كباله لاحظته يباوعلي ويشيل عينه اكلنه اثنينه ساكتين بس صوت القرأن بالتلفزيون
