اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي بقلم (( امل مهدي)) البارت التاسع عشر ************** ليش تبچي....الناس اجو سألوني جاوبتهم....هذا حظ اعيوني گالو اضحك... عوف دمعك... حيل اضحك... خل نسمعك... توني اجيت اضحك..واجو بچوني؟؟
***************
كتبتلي الدكتوره فيتامينات وطلعت ادور فرقد ماكو يربي وين راح طلعت من العياده شفته لاكاني راجع شهد... وين جنت ادور عليك فرقد.... اشتري جكاير يعني وين مثلا اروح وياشر بايده نتر بيه والعياده ممليه مراجعات خجلني سكتت كل هذا لان عرف راح تجي ابنيه رجعنه الشقه تذكرت الفيتامينات ما شتريتهن خفت من عصبيتو شهد.... هاي كتبتهن الي الدكتوره لازم أخذهن فرقد.... عوفيه يمج على الميز َمن انزل اجيبهن اجيت يمه رغم هو ضايج بس كلت اغير جو شهد... انت ضجت لان راح تجي بنيه فرقد... اي كان بودي ولد شسوي بيه البنيه شهد.... تحجي وكانه هيه فد حاجه تره هاي رزق من الله ولازم نحمد الله عليه تخيل لو ما منطيك خلفه شسوي فرقد...شنو ما ادريييي جايه تعلميني بعد هذا العمر ويفر ابايده مستهزأ اني بيش حاير وانت وين تحجين شهد.... قلقت شنو بيش حاير.... صاير شي يجر بالجكاره بعصبيه وينفخه حيل حتى الغرفه انترست دخان
شهد... شكو غير تحجي خنكتني بالدخان رحت افتح الباب فرقد... عوفي الباب افتحي الشباك
تعجبت هو الشباك وجوده مثل عدمه ما ينفتح ابد لان يطل على الشارع ومقابيلنه هم شقق فلاغي نهائيا فتحت الشباك وتركت البرده عليه واجيت يمه كاعده اراقبه انتظر يكول اشبي متوتر واحس اكو حجايه بحلكه بس متردد يحجيه شهد.... يعني مراح تكول اشبيك
فرقد.... اللتفت عليها واني افكر اكول مطلوب لو سلاحي انباك وكلت... سلاحي انباك وسولي مجلس تحقيق لو يحبسوني لو يغرموني فلوس السلاح
شهد.... هههها اشوكت ومن باكه؟؟؟؟ فرقد... قبل اسبوع وما اعرف منو باكه جنت نايم فرقد شغله حرس بنقطه ابداية السوك ولهذا يروح ويجي علينه لان قريب
شهد.... ما تعرفلك واسطه شي
فرقد...الجيش ما يتحاجون محد يوكف الواحد شهد... انت اشلون تهمل اسلاحك اشلون باكو منك فرقد...... اهووووو بعد شيخلصه كامت اتحاسبني شهد...اني ما احاسبك... بس غير خايفه عليك فرقد..... كافي كافي مو انطيتج مجال تحجين كمتي تلوميني فتح الباب وطلع راح يم خواتو ابغرفتهن
