اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي
# امل مهدي #
البارت الواحد والثلاثين
******************
بعدهه الدنيه زينه وناس
تعرف ناس
وبعد بينه بخت وهم
نگدر أنشور
وبعد بينه وفه لليوفي
الطيب
وخبزتنه بخيته والله
وتعور
******************
شهد....
فزيت على صوت طكطكه
بالشقه
فتحت عيني اشوف الشقه دخان
كمت ركض على غرفتي
شفت النار منتشر بيه وتسعر
ارتبكت وخفت
ركضت على المطبخ خليت الجدر وفتحت المي
اريد الجدر ينترس ماكو
واباوع للنار وللمي بيأس
واردد ويه روحي
ربي انقذني ربي بنتي زغيره خلصني
ما اعرف شسوي اركض منا وارجع منا فاقده الحيله
يمكن لان مأيسه احد يسمعني
الدخان بده ينزل لان ماكو اله منفذ يطلع
بحركه يأس اكو هوائيات بالمطبخ والحمام شلت الجفجير وكسرت
الجام مالتهن لان ذني يطلن على الشارع
وبده يطلع الدخان
بلكت احد يشوف ويعرف اكو حريق
رجعت اباوع النار جلبت بالخشب
ونتشرت بكل الغرفه
رحت حضنت بنتي واني ارجف
فتحت شباك الهول
وكَمت اصيح
سهير الحكيلي...
سهير الحكيلي..
اصيح ولطشت روحي بالكتيبه مال الشباك اني وبنتي
مينا خافت وبس تصرخ
واني اصيح على سهير
انفتحت الباب وطلع شاب
علي... باوعلي اشبيج اختي
شهد.... الحكلي الشقه تحترك
علي... افتحي الباب وطلعي
شهد... مقفول كلته واني ابجي
والدخان يطلع من فوك راسي
مينا فرفحت واني بدون شعور
ادفع بيه على الشباك ما ريدهه تشتم الدخان
الولد الحاجاني رجع دخل وطلعت سهير ومره اجبيره يدعون ويصبرون بيه
جانت الفجريه يعني كلشي مكشوف بس شمس ما طالعه
سهير... هسه علي راح يكسر الباب
اسمع هوسه يم باب الشقه
واحد صاح ابتعدي من الباب
راح اكسره
غرفتي صارت كتله مال نار كلشي ما يبين بيه
واني جلبت بلساني يارب انقذني
يارب والله مظلومه انقذني اني وبنتي
تصد عيني للنار والمينا وابجي بجزع وبخوف
بدو يضربون على الباب واسمع اكثر من واحد يصيح
شوف الاطفائيه اتصل عليهم
الباب خشب كانت يضربوهه وتهتز
خمس ضربات يمكن ونخلعت
علي... وينج اختي
شهد... هياني
ركض عليه كوه فتح اديه من الشباك الصدمه شنجت كل اعصابي بحيث حاضنه بنتي والشباك بقوه وما ادري
سحبني الولد للممر بالدشداشه
وشعري مفتوح
ما اعرف بس بنتي حاضنته
تبجي واني ارجف
من نزلوني الدرج شفت الاطفائيه
طبكت وبدو يسحبون خرطوم المي والشباب اساعدهم
وصلت الشارع تلكاني رجال جبير دخلني بالبيت التابعه الشقه اله
... فوتي بنتي خابرت فرقد هسه جاي
وصاح على مرته
ام وائل.... اخذيه ترتاح
دخلت بيتهم وعيني على الشارع الناس مخبوصه وقسم يتفرجون
ام وائل.... الحمد لله على سلامتج عيني
شو انطيني بنتج اغسللهه
شهد.. لا عوفيه بعدني بصدمه مدا اعرف احجي او اصرف
مينا دموعه بعينه بس مثل كل طفل من شافت جهالهم سكتت
ولتهت تباوعلهم
دخلت عليه سهير اتبين تعرف ام وائل
سهير... يمه حبيبتي الله يساعدج
زين صحتي عليه
تحجي هيه وام وائل واني دمعتي بعيني واكفه ما عندي قوه
حتى اشاركهم
ام وائل... اشلون عرفتو
سهير.... ديتريك علي عنده دوام
وسمعنه صوت.. الحكيلي سهير
خطيه بس اني تعرفني
طلعنه وعرفنه الشقه دتحترك
ام وائل... الله ستر ما حتركو
سهير... كومي غسلي خطيه بنتج
اتوصخت بالدخان
رحت على المغسله اباوع بالمرايه وجهي امصخم وشعري مكفش
بالدشداشه كلشي ما فوكاها
غسلت وجهي ورجعت كعدت
سهير اخذت مينا غسلتله
ابو وائل صاح.... اجه فرقد
اتفضل يابه
فرقد... دخل مفزوع بلهفه
شهد... انت زينه
الطفله اشلونه
اشلون احتركت الشقه
اشلون طلعتو
الحمد لله ما صار بيكم شي
يسال واني ما جاوب بس نظراتي
تجاوبه
ام وائل وسهير دخلو جوه
وهو يباوعلي فهم انه هاي النهايه
ومحاولاته تعبتني وتعبته
دنك على راسي باسه ورجع حضن مينا وباسه
فرقد.... ابو وائل اذا ممكن عبايه حتى آخذه
ابو وائل... لا ظلو يمنه
فرقد.... اخويه بالباب جاي اروح
ويا اشكرك ما قصرت
ابو وائل... يمعود احنه اهل
طلع فرقد
وجابتلي ام وائل عبايه وشال لبستهن
حضنتني سهير وتشكرت منهم وطلعت
قادربالسياره مالته جاي ومرته ويا تلكتني
وتحمدتلي على السلامه
صعدت بالمقعد الوره
اباوع الاطفائيه رايحين والناس
هم رايحه
باوعت للشقه فوك البنايه كلهه
سوده
