اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي # امل مهدي # البارت الواحد والعشرين ****************** راح أصبر بدونك وأرهم بلياك وأذبح رمش عيني الجان يبجيلك وأتحمل عذابك والبعد والشّوك وما حط صورتك كدّامي وأشكيلك ***************** شهد... تولد صراع بداخلي ملامه واحساس بالذنب مجرد انصلح وياي يومين كمت اشوفه ملاك ما ادري هذا كلبي الطيب.... ينسه بسرعه لو غباء مني... لو شعور طبيعي... تحس بي الزوجه اتجاه زوجها
اشلون... اجيب ذهبي من اروح؟ لولا ظليت افكر اشلون اخذ الذهب وباي عذر بعد المرتين الرجعت بيهن زعلانه لاهلي ما عاد يوثقون بفرقد وعرفو على حقيقته بس يكولون اصبري هو مو كله موزين ما طول يحبج يجي يوم ويتغير واني عمري ظال رهينه يسوي اليريده هو وخواته عسى يجي هذا اليوم اليتغير بي
سديت الموبايل وافكر برباب من احجي وياهه شكد تغيرلي جو
سبحان الله احبهم هيه وامير وثنينهم علاقتي بيهم ماتتاثر باي ضرف الكان... لا امير انتهت علاقتي بي من خذلني ما ادري اني ما اكرهه ولا احبه بس ما اعرف شعوري اتجاهه هههههه هيج واكف بالنص ضحكت على روحي هاي اشبيه
انفتحت الباب ودخل فرقد فرقد... شافني مبتسمه شكو اليوم الوجه يضحك شهد... كمت تلكيته.. الله يساعدك ليش قبل وجهي ما يضحك
