من يحتوي قلبي

من يحتوي قلبي
# امل مهدي #
البارت الثالث والعشرين
****************
بعيوني الحزن يقرونه
اليواسون
والفوك الحزن لو تدري
شاحجيلك
شمّات الأجو وأسوني
ثالث يوم
حيل ويّاك كالو مدري
شدّ حيلك
***************
ساره....
كولي عيوني الج
شهد... الذهب العد امي اريده
ساره.... شسوين بي
شهد.... اريد ابيعه واحل مشكلة فرقد بي
ساره.... وامي شتكوليله
شهد.... هو عرض الكاع للبيع بس تنباع يشتريلي
ساره... ما ادري اذا عرفت اشلون
شهد... لا تكولين لاحد
ساره... بس من تدري الا يصير كتلنه يالنعال
شهد... فرقد راح ينسجن ساره
وبجيت...
ساره... راح احاول واخابرج
لازم تجين تاخذي
شهد... اي اجي لعد اشلون
ساره... وبنفس اليوم
شهد... اجيج والله
ساره.. لعد عوفيني اشوف وقت مناسب واخذه واخابرج
شهد... فدوه العينج اخيتي
سديت الموبايل واني متوتره ما اعرف اشوكت تكدر اجيبهن
لان امي دايما اشد المفاتيح مالته ابفوطته ما يفاركنه
ادك على فرقد مغلق
احس روحي اني المسجونه
مرت يومين وساره ما مدبره شغلة الذهب واني اتكله على نار
٣ مرات اتصل عليه باليوم
خطيه هيه هم محتاره بيه
طلعت كعدت بالهول
لكيت كرجيه ونوال يتغدن
شكد خبيثات
يدرون وحدي ومالي واهس اكل وما يصيحني وياهن
شهد..... جان صحتوني ناكل سوه
كرجيه.... تعالي اكعدي عبالي نايمه
شهد... رحت جبت خاشوكه وكعدت اكبالهن
ماكو اخبار عن فرقد
كرجيه..... سوده عليه نايم بالسجن حتى محد يدري بي جان ودينه اكل شي اله
شهد... اني منتظره اختي على الذهب بس اتخابر اجيبه
اثنينهن اتوقفن عن الاكل
واحس وجهن اتغير للفرح
كرجيه... يعني راح اجيبين ذهبج وتبيعي الفرقد
شهد... اي ندفع الغرامه حتى يطلع
كرجيه... هو ازلمتج وخيره الج
وباجر يعوضج ويشتريلج
شهد..... ابكلبي احجي صارت فيلسوفه وتنصح
ولا جن ساكماتني
ثاني يوم كعدت متاخره اشويه كمت وطلعت الشقه هدوئ
كلت معقوله يطلعن ويعوفني
رحت على غرفتهن جانت الباب مردوده
واسمع همس صوت ناصي
كرجيه..... انشالله نبيعهن
لا تشيل هم سهله
اي انتظر خليهن يمكم الحمدانيه بعيده ظل هناك
شهد... دفعت الباب فزن اثنينهن
هذا فرقد لتحجين ويا انطينيا
كرجيه..... مع السلامه روح
وسديته
شهد.... ليش اريد احجي ويا
نوال... منو كلج فرقد هذا ابن عمنه
وكفت ساكته حسيت يحاجون فرقد من ارتباكهم
كرجيه...... وينه هو اخيي واحاجي حتى مبايل ما ينطو ابرد كلبي بكلمتين منو
شهد.... عبالي فرقد
رجعت طلعت مو الغرفه مالتهن
مر اسبوع واني نفسيتي تعبت
عايشه على اعصابي
وكرجيه كامت تسالني باليوم ٣ مرات اختج ما جابتهن
وكانه الفرج مومن رب العالمين مني راح يجي
هسه ادعن بلكن الله يفرجله ماكو
خلص الامل بيه وبس
ساره.... افتر بالبيت وره امي بلكت احصلي فرصه ولكف شيلته
بالطرف شاده المفاتيح يخرخشن
مرات حاره اذب الشيله بس. هم تخليهه على جتفه
مر اسبوع وشهد موتتني فرقد يا فرقد فجاه صار ملاك نست الدكايك المسويهن بيه
بس مهما يكون ازلمته وواحد يحجي الحق هواي نقوصيات
بي بس يحبه الشهد
