اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اعتذر عن التاخير واتمنالكم وقت ممتع مع البارت الاخير...
من يحتوي قلبي # امل مهدي # البارت الثالث والثلاثين والاخير ****************** لتكول الزمن مو زين هيه الناس مو زينه!! ولا تسأل بعد وتكول جا وينه الوفه وينه!! مدفون الوفه وتلكاه ويه اكبور اهالينه! تدوخك طينة ابنادم و ما تعرفهه ياطينه! ويا رحمة البعد ضلت اثنين وما تصافينه!
****************** شهد.....
واكفه ومركزه بكل حواسي... المحاميه قدمت مرافعه بمعاناتي وضعي وقنعت القاضي انو الطلاق هو الحل الوحيد وستحاله يكملون بظل الخلافات والمشاكل والوضع المتوتر بينهم وفادني تنفيذ حكم بيت الطاعه وكان نقطه بصالحي فرقد قدم اتهامات ضدلاهلي مثل كل مره بس هلمره ما نفعت لان المحاميه شاطره ودافع اصلا هيه عن حقوق المرأه قنعت القاضي بما قدمته وحكم القاضي بالتفريق بينه والزمه ان يدفع المؤخر
لحظات فرح ما جنت متوقعته ابد طلعت من القاعه وحضنت المحاميه شهد.... خليني ابوسج احضنج وين جنتي عني صار سنه اعاني اني مو بس اشكرج اني ممنونه منج المحاميه.... ما سويت شي هذا شغلي شهد.... اني اليوم انولدت من جديد المحاميه... لعد ديري بالج بالمستقبل خلي قراراتج بمكانه الصحيح شهد... يعني اشلون المحاميه... الارتباط حلو وكلنه نحتاجه بس يكون ويه الانسان المناسب المتفهم الزواج مو واجب لازم انمارسه بحياتنه لا لازم تفهمين لو اشارك حياتي الرجل المناسب لو ابقه اطور نفسي واعيش مرتاحة البال وخصوصا انت عندج بنت كرسي كل اهتمامج الهه حاولي تشغلين نفسج بعمل بدراسه حتى هم تكتسبين خبره بحياتج انت بعدج ازغيره وكدامج عمر بحاله وذكري اني موجوده شنو تحتاجين اتصلي عليه شهد...راحت المحاميه واني وابويه رجعنه للبيت تلكتني ساره ... ها ولج بشري شهد... خلصت اتحررت اطلكت ساره.... كللللللللللللوش هوزان.... ولج انجبي شنو تهلهلين مو عيب الناس من تسمع شتكول شهد... وكفت راح يكولون اشكد اماذيه جان والله خلصه منه هوزان... ولجن اشو ما تستحن اسعد... عوفيه يابه فرحانه حقه هيه اشافت منه غير القهر
شهد.... شغلت مبايلي اغاني اضحك والعب بنتي واركص وياها ورنا وورود والجهال سوهه هوسه اني اركص والجهال يكمزون ما يعرفون شكو حسيت روحي خفيفه مثل نسمه وطايره فرقد كان هم وجاثم على صدري حرت باي طريقه اتعامل ويا حاولت عدة مرات انقذ زواجي ويا واقنع نفسي ممكن يتغير بس بكل مره الكا يرجعني للبدايه اليوم طويت صفحته مثل ما طويت صفحة القبله... ساره... شهد من اليوم تعالي عيشي وياي انت وبنتج الغرفه الزغيره انعزله ونرتبه الج انت وبنتج شهد..... ياريت احسن ما نايمه بالهول اني وبنتي ساره... البيت جبير واني الوحدي ويه ابني اقلها تردين الوحشه عليه
