من يحتوي قلبي
بقلم (( امل مهدي))
البارت السابع عشر
**************
انه اللّي عشت بالدّنيا
اصارع غابة الأحزا
حزن وهموم
وعذابي يبتسم فيهــــا
**************
خالتي حضنته لاحمد ونزلت ويا للكاع
يمه ابني.. دخيلك ربي
يمه ابني الحكولي
رباب... بين المصدومه والواعيه
يمي مي رشيته على وجه ما وعه ظربته راشديات خفيفه
ردت منه ردة فعل ماكو عقلي وكف اريد اصرف ما اعرف
وصراخ خالتي وفاتن خبصني
يزن من صوت العياط بجه
مبايلي على الشحن رحت عليه
ايدي ترجف
كوه صيطرت على لزمته..
طلعت رقم امير
امير.. الو
رباب... الحك على احمد
كلته بغصه وحسره خانكتني
خانكه صوتي
اريد اصيح اصرخ مثلهن ما اكدر
شي بيه ربكني بس الرجفه
باديه ورجليه
على حس الصراخ
اندكت الباب.. اكيد جوارينه سمعونه
ركضت فتحته
جيرانه ابو ميثم هو وزوجته
شكو اشبيكم
رباب.... الحك احمد وكع من طوله ما اعرف اشبي
ام ميثم... يمه عزه حمودي سوده عليه
ابو ميثم.... لا حولا ولا قوة الا بالله
راح اطلع السياره حظرو
اخذه للمستشفى
رجعت اركض لبست الجبه مالتي
وخليت الشال على راسي
ابني فرفح شالته ام ميثم
يمه تعاي ابنج ابو ميثم ياخذ حمودي
رباب... لا خاله اني اَشيله ويا
احجي واعدل التراكسود مالته
ويه ما همينه نشيله
دخل عليه امير وابويه وامي
حنان.. اسم الله يمه اصارله
رباب... تلكيتهم الحكولي احمد
امير..... ساعدوني انشيله
تعاونو عليه ونيمو بسيارة اَمير
صعدت اني وخالتي وابويه اجه ويه ابو ميثم
كعدت يمه بالخانه الوره وخليت راسه بحضني
نزلت دمعتي واني اتفقد ملامحه
حبيبي اصارلك بس لو اعرف
وصلنه المستشفى
امير شاله على السديه ويدفع بي للطوارئ
الطبيب.... شنو صارله
امير.. دكتور عنده صرطان البنكرياس
الطبيب..... وكف اشويه باوعلي
ورجع...
ياخذ علاج
امير..... لا
الطبيب فر ابراسه مثل ما عاجبه
رباب.... انت تعرف اشبي
ليش اضم عليه
ليش ما كلتلي من البدايه
امير.... ساكت ومحتار
شكلوله مغذي وابر الى ان تستقر حالته
الطبيب... صار اشكد من عرف عنده صرطان
رباب.... احمد عنده صرطان!!!!!
امير.... اصبري رباب
دكتور صار سبوع وهو ميريد يتعالج
يكول اعرف نتائج هذا المرض
الطبيب.... بابا شنو يعرف نتاذج المرض هو طبيب
غير ياخذ كيمياوي بلكت المرض ابدايته ويقضي عليه
هذا اشلون حجي
هسه من يصحه ارجع اشوفه
رباب.... بعد كلام الطبيب خارت كل قوه بيه
ما عندي حيل اوكف دموعي
تتسابق الخدي
رجعتلي كل ذكرياتي ويا واني
اباوع الوجه الذبلان
لما شفنا بالغابات اشلون واكف يتفرج علينه واحنه نلعب طوبه
وخفنه ورجعنه اصورنا واحد يتحرش
ولما لكينا ابشارعنه
وجرأته من انطاني رقمه بالمول
كلامه وهتمامه بيه
فرحته ولهفته من لما ينسد علينه باب ونكون سويه يكتفي بيه دون هاي العالم
فرحته بابنه المادامت
ونهاريت بعد ما اتحمل
احمد ناوي اتعوفني..
اخذني وياك.. معقوله هيج القدر ملاحكني
ما مكتوب عليه اعيش براحه
لا انت وعدتني انشيب سويه
احجي وابجي
وامير يريدني اكوم من يمه ما يكدر
على صوتي اجتي خالتي ام احمد وابوميثم
ام احمد.... شكو ولج رباب اشبي احمد
احجي شكاللكم الطبيب
امير... خاله اريدج قويه وساعدوني اقنع احمد يتعالج تره عنده صرطان
ابو ميثم..... لا حول ولا قوة الا بالله العلي العظيم
ام احمد.... يمه اسم الله على وليدي منين اجا الصرطان
امير... امر الله بعد ولا اعتراض
على حكمه
ام احمد.... ونعم بالله بجت وهيه تلزم ايده وتبوسه بكل مكان
اسم الله عليك يوم بيه ولا بيك
ربي وليدي يتيم شافي بحق اهل البيت
ربي كومه على حيله ما عندي غيره
ربي لا تفجعني بوليدي
