اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي # امل مهدي# البارت الرابع والعشرين ***************** تدري وياي أشكد مقصّر بكد ما منطي وما ينطونك
بكد جف الماسح دمعاتك وكد مسحت جفهم ماعونك
وارضى ترد مكسور الخاطر بس لا ترد مكسورة عيونك
***************** شهد..... صعدت التكسي يالله ارتاحيت لاحظت نفسي اللهث وارجف خليت ايدي على بطني هاي الحركه دائما اسويه بدون شعور لمن اكون بحاله خوف او قلق كانه احميهه البنتي واطمنه
دك مبايلي... باوعت فرقد خفت اكثر وظليت اباوع من الجامه كل عقلي لحكني قفلت المبايل ما اريد اتصاله يوترني السايق كان رجل اربعيني بس ما ادري ليش اطمنتله من اول ما صعدت السايق..... هاي اشبيهه وياج تريد تلزمج شهد... مو كلتلك حماتي ساكمتني والله عمو
اول مره اصعد بتكسي وحدي اني اندل الطريق بس احس نفسي مو بامان... وصل التكسي بالباب مالت اهلي لكيت امي منتظرتني نزلت وامي انطت اجرة التكسي وراح سحبتني جوه رغم غلطانه اني حضنتني
ساره.... اني الرزاله والغلط عليه وهيه احظنيه هوزان..... ثنينجن غلطانات انت كبال عيني وكلبي بارد عليج بس هيه خفت عليه من ازلمته الظالم يريد يسد غرامته براس المكروده راتبه خير من الله كله تصيح واحنه لاشفنه راتب ولا خير منه شهد... ماما ما اريد ارجعله هوزان..... خلي يولي ارجعج اله لو تبيض عيونه ما يشوف طرف ثوبج شهد....اللتفتت ساره اعذريني اجتج رزاله من وراي هوزان.... احجيلي ليش تراجعتي ما نطيتي الذهب شهد.... شحجي هاي الاسبوعين عادلت سنتين من عمري هم وقهر محبوسه بالشقه افكر بي وشايله همه ومتحمله لسان خواته ورزالتهن يكول محبوس وهو رايح العمامو بالحمدانيه يتونس وخواتو يعرفون ومعيشيني على اعصابي لا اتصال لا خبر وخواتو عادي يحجون ويا ماما لا ترجعوني اله اني كلتلكم واحد جذاب يمشي بشور خواتو ما صدكتوني هوزان.... ارتاحي المهم اجيتي لا تفكرين اباجر
