သူ့ကိုမှချစ်မိခိုက်
အပိုင်း(25)
"ရှိုင်း"
"ဟင်"
ရှုတင်သွားရန် ပြင်ဆင်နေသည့် သူ့ကို လိမ္မော်ရည်ယူလာပေးရင်း
"ဘာလုပ်နေတာလဲ မြန်မြန်လုပ်လေ ရှေ့မှာ မစိမ့်တို့စောင့်နေတယ်"
"အင်းပါ "
"ဘာလဲ ဒီနေ့ကျမှ အနက်ကြီးနဲ့"
"ဒီတိုင်း ဘာရယ်မဟုတ်ပါဘူး"
အနက်၀မ်းဆက်၀တ်နေသည့်အပြင် နက်(ခ်)တိုင် စည်းနေသည့် သူ့အနားသို့တိုးလာကာ
"ငါစည်းပေးမယ် ဒီဘက်လှည့်"
"အင်း"
မနေ့ကတည်းက စိတ်ဒဏ်ရာ တစ်ခုရှိနေတာမို့ မျက်နှာ ကရွှင်ရွှင်လန်းလန်းမဟုတ်ချေ။
"ကဲ ပြီးသွားပြီ ရော့ ဒါလေးသောက်သွားလိုက်"
"အင်း"
သူမပေးတဲ့ လိမ္မော်ရည်ကိုမော့သောက်ရင်း
"နေ့လည် ကိုယ်ပြန်မလာတော့ဘူးနော် "
"ဟင် ဘာလို့လဲ ဒီနေ့ ၂နာရီဆိုရင်ပြီးမယ် ဆို ညီညီကပြောတယ် စန္ဒီ၀င့်ကလည်းမအားလို့တဲ့"
"အင်း အဲ့တာကဟုတ်တယ် ကိုယ်ကသပ်သပ်သွားစရာရှိလို့"
ဘယ်သွားမယ်ဆိုတာမပြောပြကတည်းက
သူမပြောပြချင်လို့နေမှာပါ တစ်ကိုယ်လုံးအနက်တွေ၀တ်ထားတော့ သူ့အမေဆီသွားဖို့လည်းဖြစ်နိုင်တာပဲ။
"အင်း အေးအေး ဆေးဆေး မှပြန်ခဲ့နော် "
"မင်းရောသွားစရာမရှိဘူးလား"
"အင်း ထွေထွေထူးထူးမရှိဘူး နင့်ရဲ့အိပ်ယာခင်းလဲရမယ် အ၀တ်လျှော်ရမယ် ဒါလောက်ပဲ"
"အရမ်းကြီးအပင်ပန်းမခံနဲ့ ကိုယ်သွားတော့မယ်"
"အင်း တာ့တာ"
#########################
"ဘာလဲ ဒီနေ့ all blackနဲ့ပါလား"
စန္ဒီ့အသံကြားရုံဖြင့် အာရုံနောက်မိသည်။
"ဒီနေ့ ကိုခန့်ရဲ့မိသားစုနဲ့သွားတွေ့ရမှာ အဲ့တာကြောင့် ရှုတင် ဖျက်ခိုင်းတာ"
