مصيرك طسمي (مكتملة)

part 1

مصيرك طسمي""

             الجزء :1

امريكاا...
الساعة تشير الى الرابعة صباحا...

-كان ناعس كلو متعرق كيراودو نفس الحلم و نفس الاحاسيس شفايفو كيبتاسمو ابتسامة خفيفة و حجبانو مقرونين ...على مايبدو حلم كيرضي قلبو الحمق...

ناض طافج و شد على راسو.

كينهج و شاد على راسو ؛ بففف نفس الحلم غنحماق الا بقيت فهاد الحالة...
وقف دخل الدريسينغ خدا سروال سبور و ديباردور ديالو لبسهم بالخف و خرج من غرفتو هابط فالدروج تاوصل صال الرياضة و دخل اخرج تما افكارو المخربقين و عضبو الغير معروف سبابو...

كنهضرو على عائلة سليماني المتكون من ابنهم البكر ادهم السليماني و الابن التاني عصام السليماني و بنتهم الصغيرة مريام .و الاب مراد و الام سهام و الجدة رقية...عائلة راقية و غنية بحكم عدة شركات فإسمهم و غيرهم من الاعمال القانونية و عاد عمل ادهم و عصام الغير قانوني (المافيا) عائلة مغربية 100% عايشن بأمريكا...
كان ادهم كيتريني ما يقارب 3 ساعات بدون توقف الساعة 7 صباحا و باقي كيتخيل كفاش كان كيدوز ايديه على داك الشعر الطويل الاصهب و كان كيستنشق ريحتو فالحلم و ديك البشرة البيضاء...كان ساهي و مواعيش بخوك لي دخل عليه ..

عصام دخل تاهو ادير سبور: صباح الخير الخاوا
وقف كيشوف فخوه لي مجاوبوش جا قدامو و هو كان كيلكم فديك الكتلة لي نازلة من السقف بدون توقف..

عصام: هيه راه كنهضر معاك
هرب ليه ديك الكتلة باش اتوقف ساعة جات فيه لكمة هو عاد وعى ادهم .

ادهم تحنا عندو معاونو يوقف: الخرا اش كدير قدامي
عصام بألم؛ كنت كنهضر معاك اصاحبي
  ادهم؛ مجاوبتكش مرة جاية بقا تميك على دين مي

-هز فوطة دارها فوق عنقو و تم خارج تا هضر عصام.

عصام؛ عوتاني كتفكر فديك الأخت لي معارفها تا فين

تم جاي ليه ادهم شانق عليه ...

مصيرك طسمي""

  الجزء:2

   ادهم قاجو بجوج ادين : دخلتي لبيتي الحمار
عصام بصوت مبحوح: مدخلتش جدة قالتهالي مدخلتش
  غي طلقو دهم بقا كيماصي فعنقو و كيسترجع انفاسو طلع عينو فادهم عينيه كي جمرة جات فيه خرج كيجري من لاصال دار بناقص من شي سبور ،ادهم هكاا عندو هبة طاغية بزااف كلشي كيحتارمو و ضارب ليه الف حساب تا من ولديه و خوتو و صحابو ،هدا هو ادهم 30 عام و عصام اصغر منو بخمس سنوات 25 و مريام 17 عام ،..
خرج معصب من صال طلع لبيتو ،معصب من جداه لي كيعاود ليها كلشي و قالت  نقطة ضعفو لخوه اه هاد البنت هي نقطة ضعفو .غار عليها بزاف من خوه غي حيت هضر عليها اش هاد الهوس وصل ليه... اكتر من 6 اشهر و هو عايش غي  بأحلامو لي عبارة عليها فنعاس و بنهار كيتخيل دوك الاحلام حقيقة على مايبدو ابن البكر لعائلة سليماني غيحماق كيما كيقولو خوه و جداه...