'""مصيرك طسمي""🖤🔞
الجزء :205
نهار جديد من عند عروستنا لي جالسة كتقاد شعرها فعقد قرانها بغات تقد غي لراسها ،اصلا ممتحمساش ما تا حاجة
تيليفون فودنيها: اقسم بالله و متجيو لباقي هضرت معااكم
رضوان: انا جاي بعدا
انس: تا انا
كمال 😑جاي صافي
غزال ضحكات: ودبا مزيان تحضرو جنازتي😂
انس: الله ارحمك
قطعات معاهم من بعد ما اصراات احضرو عقد قرانها كيف قال ادهم بغاااه اكون فالبحر خصص باطو غي لهادشي.
جات عندها زينب: بنتي ساليتي راه غنتعطلو
ناضت لبسات مونطو تاعها : صافي يلاه
خرجات مع والديها و عائلتها مسيفط ليهم ادهم طموبيلات اصلا مخطط لكلشي و سي سعيد فرحان ،كيقول غي انا لي زوجت بنتي.
وصلات الباطو عينيها محلولين على الجو تاع الليل و و البحر و عاد الاضواء و الترتيب.
وراوهم غرفة لي غتبدل فيها دخلات لقات فردوس تما و مريم و سندس جهان و مراط اكرم ، تعرفات عليهم ضريفين بدات كتلبس و عاونوها طلعات بحلتها بداك القفطان فالبيج كتفتن و البنات تاهوما لبسو كلشي تقيليدي.
الباطو على شكل قاعة دنيا عمرات بضيوف منهم تا عائلة عزال و عائلة ادهم.
اما عريسنا لي واقف بكوستيم فالبلومارين فسطح الباطو معاه سيف كيكمي اصلا مستريسي من صباح.
طبطب سيف على ضهرو : براكة اساط
ادهم لاح الكارو فالماء : مبقا والو و ناخدها اخويا
سيف ضحك ؛ حسبها واخدها اصلا.
ادهم عنقو فرحان .
كل شي واقف كيتسنا فالعرسان اجيو العدول جالس فكرسيه خصيصا لعقد قران ادهم سليماني و الاعلام داير خدمتو..
وقف حدا البيت لي كتبدل فيه دق و حلات فردوس.
ادهم: ساليتو
فردوس ضحكات: اه صبر نخرجهم ليك و شوفها .
بتاسم ليها حنتاش فهماتو.
دخلات خرجاتهم كاملات بقات غي غزال لي مستريسيا ومخلوعة جالسة فوق كرسي قدام مرية كتحك اديها مع بعضهم بتوتر.
'""مصيرك طسمي'""🖤🔞
الجزء؛206
قرب منها ببطئ حط دقنو على عنقها و همس ليها ساد عينيه: واجدة
تنهدات بجهد : معارفاش ا ادهم
باسها و بعد شدها من يدها وقفها كيشوف فيها و فجمالها لدرجة سهى: شنو كديري فيا ها
شافت ليه فعينيه: مدرت والو
تاهو عينيه على عينيها باس يدها : درتي بزاف فيا و فقلبي جيتي زوينة كتر كتفتني
بتاسمات ليه بشويا؛ شكرا تا انت
قهقه: و زدتيني بهاد الضحيكة
باسها فتغرها و شبك يدو مع يدها مخرجها .
كيمشيها بشويا عم السكوت المكان كل شي حاضيهم من البعيد و الفلاشات خدامين هادشي خلاها تزيد تتورت. ضغط على يدها و نطق كيهدنها عرفها متوترة: انا معاك ديري بحال الا مكين حد هنا.
شافت فيه و رجعات شرفت القدام تمشا بيها تال طابل تاع العدول كتشوف فناس بخجل كتقلب بعينيها على عائلتها و صحابها رمقات واليديها لي فرحانين ليها و خوتها عاد قلبات على صحابها كيبانو ليها فطابل بوحدهم معاهم فردوس و مريم .
بتاسمات ليهم و ردو عليها ، تبع عينو فين كتشوف كيشوفها فرحات بمجية صحابها.
مبغاش اخسر ليها اما راه ارمي شي حد فيهم البحر محاملهمش اصلا
قاطع تفكيرو العدول كيطلب منهم اجلسو ، جبد ليها كرسي تا جلسات عاد جلس هو .
العدول كيهضر فالمايك : شهود العرسان و وليديهم اجيو.
جات فردوس و سيف جلسو عاد الهام و مراد و زينب و سعيد .
سولهم العدول واش شاهدين قالو اه و سيناو عاد سول ادهم .
شاف فغزال و تبسم نطق برجولة: موافق
سولها هي شافت فيه و فرحتو عاد واليديها لي تاهوما فرحانين نطقات بشويا: موافقة
مع ديك الكلمة قلبو نبض بعنف مكيهموش كفاش تزوج بيها المهم قالت اه
هز. الستيلو سينا و عطاها تا هي شداتو يديها كيترعدو همس ليها : غزال سيني اروحي
#يتبع
أنت تقرأ
مصيرك طسمي (مكتملة)
Romanceقصة :مصيرك طمسي قصة غير المعتاد ... غنتعرفو جميع على الحب الروحي او ما يسمى توأم الشعلة:Twin flame... القصة تحتوي على... الحب بطريقة عنيفة. _الهوس_ العنف_المافيا_التملك_و محبوبة الجماهير السفالة 🔞بجرعة زائدة🔞 🖤🔞🖤🔞🖤🔞🖤🔞🖤🔞🖤🔞🖤...
