مصيرك طسمي (مكتملة)

part 35

""" مصيرك طسمي"""🖤🔞

الجزء: 187

سعيد كيشوف فيهم: اوا اولدي انا من عدي موافق الأهم طهلا ليا فيها و الباقي من عندها

ادهم باقي كيشوف فيها: غنديرها فعينيا اعمي متخافش

مراد : اوا اش قلتي ابنتي

كلشي ساكت كيتسنا جوابها شد ليها ادهم يدها فالجنب شبكو مع يدها و هضر بهمس : غزال

فيقها من سهوتها شافت فيهم كاملين و نطقات بهمسها المعتاد : لي بغيتي ابابا

طلقو العيلات حلوقهم كيزغرتو متقولش هادو من الطبقة البرجوازية فرحانين بولدهم، اما ادهم غي كيشوف فيها بإبتسامتو صغيرة .

زينب : الله اكمل بالخير ،اوا بداو بعدا غي نتشاركو النعمة

بداو كيهزو من لي قسم الله و كيهضرو بأتاي و قهوة .

ادهم هضر بهمس لجداه: جدة الشوفة الشرعية

شافت فيهم و رجعات شافت فيه هضرات بشويا تا هي: وا انت اصلا شايفها اش بقا

ادهم خنزر: جدة يا ديرو شوفة شرعية و لا ناخدها من دبا و. انت عارفاني مكنضحكش

دورات راسها بلا حولة ولا قوة الا الله .

الجدة كتشوف فزينب و سعيد: ياك ما فيها والو الا هضرو على انفراد

سعيد : من حقهم

زينب : نوضي ابنتي معاه .

ناضت بشوية هازا قفطانها كتمشا قدامو بشويا و هو وراها تبشر اخيراا ،اما البنات و الدراري كيموتو بضحك عليه.

طلعات فدروج بشويا تاوصلاات بيتها حلاتو و دخلات و هو وراها سد الباب دارت كتشوف فالأرض.

قرب منها هز ليها دقنها باس على جبهتها: معمرك تهبطي راسك .

هزات عينيها فعينيه نطقات و غصة فحلقها؛ انت كتضرني ا ادهم بزاف.

شاف فيها بحنان: قلبي ممستوعبش اش كندير فيك الأهم هو باغيك اغزال و غتسمحي ليا شي نهار و تبغيني

شافت فيه بجدية: بغيت نحط شروط قبل منعقدو

ادهم: شروطك اوامر قولي

غزال: مبغيتكش تقيسني و مبغيتش نخرج من الخدمة و مورا زواج بعام نطلقو .

'"" مصيرك طسمي"" 🖤🔞