'"" مصيرك طسمي""" 🖤🔞
الجزء: 197
طلع من شرجم بشويا كيحاول ميديرش الحس ،حل شرجم كتبان ليه ناعسة فناموسيتها محدو كيقرب كيسمع سنانها كيتقرقبو بالبرد ، هبط عندها مطلع الغطا كتبان ليه حمرة.
حط يدو على جبهتها سخونة و فيها تبوريشة ،.
همس ليها بشويا: غزال .
همهمات ليه: اهم
كيدوز يدو على شعرها؛ فيقي اروحي راك مريضة
حلات عينيها بزز كتشوف فيه: اش كدير هنا
هزها من خصرها مجلسها و جمع الغطا غطاها مزيان جلس على ركابيه شاد من يدها هضر بحنان: قلبي ضرني عرفتك بيك شي حاجة جيت .
شافت فيه بتعب: انا ماشي مزيان ا ادهم .
قلبو قفز لنطقها اسمو و نبرتها : شنو بيها بنت قلبي
بداو عينيها كيدمعو: معارفاش اش باغيا قلبي كيضرني انا هئ مكنكرهكش ولكن احساسي من جيهتك فشكل كنحس بشي حاجة تقيلة فقلبي بلا اسم اهئ
عنقها لعندو كيهمس ليها؛ شششت غيجي وقت غتعرفي باش كتحسي متخافيش انا معاك
بدون شعور منها بادلاتو العناق كتبكي فأحضانو ، دائما فحزننا كنلجؤو لشخص كيبغينيا وفي فرحنا لشخص كنبغيوه و الا كان هاد الشخص واحد عندك الزهر...
تهدنات بعدات عليه : منين دخلتي؟
كيشوف فيها منيش على شرجم.
غزال بصوتها رقيق: خصك تمشي
نفى براسو كيقيس فوجها؛ فيك سخانة بزاف.
حيدات الغطا ناضت من فراشها فضلام شعلات ضوء كيشوف فيها ب بيجامتها تاع ميكي موس فالغوز هاد البنت غتحمقو تا فمرضها كتفتن .
نقل نضرو لبلاصتها فيها بقعة تاع دم .
كانت بغات تخرج : غزال فيك ليغيكل؟
حشمات عضات شفايفها: عاد جاتني.
مشا عدها هز ليها دقنها: عادي اروحي متحشميش سيري بدلي و عطيني نبدل الغطا.
مشات قدامو بإحراج لبلاكار هزات غطا عطاتو ليه و دكشي لي غتحتاج خرجات.
.
تا هو دغيا بدل الغطا و هز خديتها حطها على نيفو كيشم عبقها .
"""مصيرك طسمي""🖤🔞
الجزء: 198
أنت تقرأ
مصيرك طسمي (مكتملة)
Romanceقصة :مصيرك طمسي قصة غير المعتاد ... غنتعرفو جميع على الحب الروحي او ما يسمى توأم الشعلة:Twin flame... القصة تحتوي على... الحب بطريقة عنيفة. _الهوس_ العنف_المافيا_التملك_و محبوبة الجماهير السفالة 🔞بجرعة زائدة🔞 🖤🔞🖤🔞🖤🔞🖤🔞🖤🔞🖤🔞🖤...
