مصيرك طسمي 🔞♥️
الجزء:346
رجع تكاا على الباب كيشوف فيها كتدير حركات الحوامل فلحضة سهى فيها و تخيلها غزال حاملة منو و كرشها باينة فرحانين.
قاطعو من سهوتو هضرة تاع فردوس جلسات فوق طابي مربعة رجليها.
فردوس: مكين تا خبار؟
حرك راسو بنفي: والو
فردوس: صراحة فكرت فواحد الإنسانة ممكن تعاونك تلقاها ولكن ممضموناش
غي سمعها جا بلهفة جلس فالارض حداها كيشوف فيها بأمل: شكون افردوس قولي لي
شدات فيدو: مريم مع غزال و هي غتكون كتهضر مع ختها ميمكنش تجلس بلا متهضر معاها
ادهم ناض: اه وكفاش غنقنعوها تعطينا نمرة
عطاتو يدها : نوضني نمشيو دبا نشوفو
نوضها بيدو شد منها: 5 دقايق انا معاك ندوش و نهبط
فردوس: تا انا
تفرقو كل واحد مشا الشومبر تاعو قررات تبيع صاحبتها و توقف مع خوها و لوسها حضرات لألمو و كفاش كيتعدب مبغاتهمش اتفرقو.
فكرات و فكرات فتالي خدات القرار تتمشي تشوف مروة واش تعاون معاهم ولا لا واخا ضريفة و لكن ممكن اوصيوها ...
عند غزال لي فطرات طلعات بيتها لبسات تيشورت كحل و سروال كحل و سبرديلة كحلة دايرة جنازة...
هبطات لقات صحابها كيساينوها.
طلعو كاملين فالطوموبيل هي لور مع انس و رضوان حاطة راسها على كتف انس و كمال سايق حداه مريم.
السكوت مخيم عندهم
وصلو مكتب المحامي كتقرب و قلبها كيضرب فالتالي قنعات راسها هاد الزواج غي تخربيق بدا بالغصب غيسالي دبا...
دخلو معاها كاملين عندها 4 د الكتاف مكيميلوش هكا كتعتابرهم. حاميينها.
المحامي: مدام غزال كما قلت ليك الطلاق الاتفاقي ساهل انت مباغا والو من الزوج ديالك ؟؟
غزال بتوتر: لا مباغا ولو غي طلاقي
المحامي: مزيان تقدري توقعي هنا .
شدات الورقة برجفة غير عادية .
مشات عينيها فين خصها توقع تحت اسمها وقعات بحزن عميق
"""مصيرك طسمي"""🔞🖤
الجزء:347
عطات المحامي الورقة .
المحامي:, عتابري راسك تطلقتي كيخصنا غي توقيع السيد ادهم و نقدم ورائكم المحكمة.
حركات راسها بواخا.
كتبات ليه عنوان دار ادهم.
المحامي:, هنا غنصيفتو ليه الوراق
أنت تقرأ
مصيرك طسمي (مكتملة)
Romanceقصة :مصيرك طمسي قصة غير المعتاد ... غنتعرفو جميع على الحب الروحي او ما يسمى توأم الشعلة:Twin flame... القصة تحتوي على... الحب بطريقة عنيفة. _الهوس_ العنف_المافيا_التملك_و محبوبة الجماهير السفالة 🔞بجرعة زائدة🔞 🖤🔞🖤🔞🖤🔞🖤🔞🖤🔞🖤🔞🖤...
