مصيرك طسمي (مكتملة)

part 55

""مصيرك طسمي"" 🖤🔞

الجزء: 277

طلق عليها ماء دافي و حيد لافيست تاعو لاحها فالأرض عاد شوميز.

هز شامبواان تاعها كب شويا على راسها كيدزو على طارافو و عينيه عليها غسل شعرها من بعد دوز ليها على لحمها ب باندوش و يديه على كل اجزاء جسدها.

سدات عينيها بإرتعاش ،

شاف فيها بخدر تاكان بغا اقرب ليها و جاو افكار فراسو.

هضر بخشونة: كنتي مستمتعة و هو كيقيس فيك

حلات عينيها فيه بصدمة كتشوف فعينيه حمرين : لا انا دفعتو و قمشتو الله هو لي مبغاش اطلقني

كمل ليها الدوش معاودش هضر مكتافي بأفكارو لي كيشوفهم جحيم عقلو كيعطيه تخيلات بلي كانت مستمتعة للمسات راجل اخر على جسدها.

سد الماء و جبد البينوار لبسو ليها و قاد ليها فوطة لشعرها.

ادهم: خرجي

خرجات و دار هو تحت الرشاش بعد ما طلق عليه ماء باارد كيحارب بزااف دالأحاسيس فراسو باغي اقتلو و يقتلها و يقتل راسو .

هادشي لي دار فراسو و لكن ضعيف قدامها اكتر من القياس كان باغي اضربها و يعدبها تحس بألمو ولكن لقا راسو كيدوش ليها.

مشا قدام المراية كيشوف فوجهو ،كانه كيودع هاد الوجه و غيجي وجه اخر فبلاصتوو.سد عينيه بحرقة و عقلو مزال كيتخايل كفاش كانت بين ادين راجل اخر..

غوت على جهد و ضرب المراية تا تشتاات و يديه مجروجة مكتافاش بهادشي هز زااجة بين اناملو  وجمع يدو قبضة دمائو كتناتر فالارض ممسوقش. بعد لاح زاج و رجع تحت الماء ، رجع الماء احمر بدماياتو.

سالا دوش خرج ب بينوار لعندها كانت لبسات بيجامة فالزرق بارد و جالسة فوق ناموس كترعد خايفة منو بعد ما سمعات تهراس و غواتو.

دخل لبس عليه سروال كحل و تيشورت كحل عاد كويرة فالكحل .

خرج شافها كترعد قرب منها يدو مزال كتتنزف .

شافت فيه و شافت فيدو دم كيتقطر فالأرض..

ناضت لعندو خاايفة:ادهم يدك كتنزف

مصيرك طسمي"'🖤🔞

الجزء: 278

شد يدها قبل متقيسو : رجعي بلاصتك

نفات براسها: خليني نشوف جروحك عفاك

دفعها تا جلسات فبلاصتها .

وشد الفوطة بيدو ولو فيها الدم كينشف ليها فشعرها بهدوء تا سالا حيد الفوطة عامرة بدم لاحها بإهمال.

و جبد تيليفونو

ادهم ببرود: طلع ليا الغدا دبا

كمل هضرتو و قطع .