""مصيرك طسمي""
الجزء: 62
غزال: افففف ريحت النعاس فردوس نوضي
فردوس: اممم
غزال: وتي نوضي و انت كتهمهمي كي البقرة
فردوس: شحال فساعة.
غزال: 7:25
فردوس: باقا الوقت
غزال حيدات ليها المانطا : راه انتسناو تاني طكسي ساعة و نصدقو معطلين
ناضت فردوس دايخة خرجات الحمام قدات حاجتها رجعات جبدات حوايجها لبسات كسوة مقطنة تال الركبة فالزرق و ليبة فنواغ بوتيو نواغ و قدات شعرها كوب شوفال و ميكاب خفيف هبطات لقات ماماها و غزال كيتحتتو و كيفطرو جلسات فطرات بزربة و خرجو ...
فاق فصباح بكري اصلا منعسش مزيان شي 3 سوايع عقلو بقا غزال و داه نعاس غي حيت جاب الكاو بشراب و فاق مع 6:00 هبط لاصال كيتريني و دبا هاهو كيشرب قهوتو و عائلتو كيفطرو ..
الهام: ادهم دير بالك مع خوتك
ادهم: غتمشيو اليوم؟
الجدة: اه واحد شويا
مريام: غنتوحشكم
الياقوت: شلا تا انت انمشيو نتكلاصاو ونرجعو
عصام: هههههه مالك غادا لإفران
الياقوت: اوا كيقولو الشمال باردة
الهام: انخدم ليك احبيبة الكليمة فطوموبيل و تا فالأوطيل😘
الياقوت: زعما مكينش رجوع نمشيو لمولاي عقوب
الهام: والو
عصام: هههه ضعتي
الجدة: وعد مني المرة جاية نمشيو لفين بغيتي الياقوت و فأقرب وقت
الهام: سيف انت نرجع و منلقاكش مع خوتك هنا انتقلق منك ديال بصح
سيف شاف فيها بحنية : لي بغيتي لي غيكون الوليدة
بتاسمات ليه كتعتابرو بحال ادهم و عصام و هي لي قالت ليه قول ليا ماما و حتى بابات ادهم ممقصرش معاه كل شي حاسبو واحد منهم
مريام ناضت سلمات عليهم: طريق سلامة حبيبات قلبي .
الهام معنقاها: طهلاي فراسك ابنتي
الجدة : متخرجيش المدرسة بلا فطور واخا
الياقوت: اه و حضي معاك دار ليجيب ليها عصام البنات انت هي مولات الدار فغيابنا حلي عينيك عليه مزيان
مريام: هههههه كوني هانية اداد
""مصيرك طسمي""
الجزء:63
خرجات مريام مع عينين سيف لي حاضيها كفاش كتاكل و كفاش كتضحك هاهو حضاها تا غبرات عليهم .
ادهم ناض تاهو سلم عليهم: طريق سلامة
الهام: طهلاو فريوسكم
عصام: تا انت راه غي 3 ايام
ا
الياقوت: اوا انت الواحد اغبر عليك غي نص ساعة دير مصيبة
سيف بضحك: دادا غي قولي اش شادة على عصام
عصام: لاحضتيها حاكراني ياك
الجدة: محاكراكش انت لي كتطير
ادهم: الوليدة شوفي الشيفور امشي معاكم احسن
الهام: لا انا بغيت نسوق هدا علاش بغيت نسافر قبل ميرجع باباك.
عصام؛ هههههه باغا تعيشي العزوبية ا الهام
الهام: انا ماماك الحمار ماشي الهام
داز سيف عنقهم و حتى عصام و خرجو لوجهتهم.
كان غادي للشركة ولكن خصو اشوف هو الاول سلاح لي وصل البارح بليل تكلف بيه سيف و حطو فالديبو و دبا ادهم اشوفو و عاد امشي اشوف روحو كيف سماها ...
دخل سيف للمكتب تاعو و جات عدو سكرتيرة كتعلمو بلي كاضم جاي قبل الوقت هو دار معاه 11 لاش جا مع 9
سيف: ديه لغرفة الاجتماعات الا وصل
8 غنمشي عند فردوس الا جا مسيو ادهم ممكن تعيطي لي؟
كوثر: اه احبيبة انعيط ليك اصلا مغيطعطلش دبا يجي .
غزال: شكرا
يالله بغات تمشي تا هضر صوت راجل من وراها: مسيو سيف فين؟
كوثر : قالك تسناه فغرفة الاجتماعات اجي معايا امسيو .
دارت باش تمشي و هو شافها تا هي شافتو عرفاتو .
كاضم بصدمة: اوه اش هاد الصدفة
غزال : صافي انت لي خاص نشوفك هاد النهار باينة نهار ايدوز بحال خوه تفو
كاضم: اممم قطة شرسة و لكن جدابة
غزال: بنتي ليا نسيتي نهار الحفل؟
""مصيرك طسمي""
الجزء:64
كاضم: منساش نهار خديتي عقلي
غزال بان ليها هدا غي غيقلب ليها نهارها قالت ارا نتجاهلو جات فايتاه تا شدها من دراعها رجعها قدامو و تحدر لعندها : ماشي من صواب اهضر معاك شي حد و تتجاهليه
غزال: طلق دراعي
كاضم: اش بان ليك فليلة وحدة غي وحدة نعطيك قدما بغيتي اممم
غزال بحال الا طرشها بالماء السخون اول مرة شي حد اقول ليها هكا مجات فين تستوعب اش طاري تا كتشوفو طايح فالأرض و جالس عليه سيف كيعطيه فالبونياوت لوجهو مشات كوثر كتجري لعند عصام عيطاتلو جا كيجري باش افك كاضم ساعة غي شاف شكون و هو يوقف حدا غزال.
عصام: مال هادو؟
غزال فيقها شافت فيه هكاك حناكها حمرين هنا بحال الا فهم البلان ؛ واش قالك شي حاجة؟
حركات ليه راسها بشوية .مشا جيهت سيف سحابليها غيفك كاضم ساعة بعد عليه سيف لي جاهل و طاح عليه جاهل تاع عصام تاهو شوهو ليه وجهو جاو ليكارد تاع باب شركة هزوه بحال الميت مخرجينو دار سيف معصب عند غزال.
غزال غي شافتو معصب خلعها بغات تهرب و هو اعيط ليها: وقفي
وقفات دارت عندو هي مكتعرفوش حدها كتعرف عصام وتاهو دبا مكتعرفوش ولا واحد اخر ماشي داك لي غي كيضحك كتشوف جانب متعصب من عصام .
سيف: هدشي ميوصلش ادهم واخا؟
غزال بخوف؛ واخا
عصام: ماشي من صالحك اعرف
سيف: الا عرف غيجمعنا كاملين و حتا انت معانا
غزال: واخا شكرا حيت تحاميتي عليا
حرك ليها سيف راسو و مشا خلا عصام معاها غاديين لمكتب فردوس.
عصام: فين كتعرفيه؟
غزال هبطات راسها: تبسل عليا واحد المرة فواحد الحفل كنت خدامة فيه و ضربتو بكاس العصير
عصام ضحك: هههههه دبا انت ضربتي كاضم
غزال بإفتخار: اه ومالك شايفني ساهلة ليه
عصام؛ ههه لا لا صراحة مسهلاش
غزال: و تا دبا كنت غنضربو غي جيتو انت و داك صعصع سبقتوني بيه.
#يتبع
البنات خليو توقعاتكم و تفاعلكم هاهو كاضم كلا مكلا طبل نهار العيد.😂😂😂
زعما ادهم مغيسيقش الخبار ؟
و الا عرف اش غيدير فنضركم؟
هههه و نفكركم فلبس تاع غزال و كاضم شافها هكاك الا شافها ادهم اش غيدير ؟😂
هدشي كلو غنعرفوه
أنت تقرأ
مصيرك طسمي (مكتملة)
Romanceقصة :مصيرك طمسي قصة غير المعتاد ... غنتعرفو جميع على الحب الروحي او ما يسمى توأم الشعلة:Twin flame... القصة تحتوي على... الحب بطريقة عنيفة. _الهوس_ العنف_المافيا_التملك_و محبوبة الجماهير السفالة 🔞بجرعة زائدة🔞 🖤🔞🖤🔞🖤🔞🖤🔞🖤🔞🖤🔞🖤...
