""مصيرك طسمي""
الجزء :134
طلعات عينيها فماماها لي كتشوف فيها بحنان تا شافت وجها و حققات فيه تخلعات مسكينة .
زينب : غزال اويلي شنو هدا
غزال عضات على شفايفها مقداتش تهضر شافت فيها و فأدهم لي مكره من الموقف و علاش اصلا ضربها.
زينب عاود هضرات: واش ابنتي فاش طرشك باباك دارلك كاع هاد الحالة ،ولكن هو مضربكش لجبهتك.
هنا عروقو خرجو هو ضربها و باباها ضربها مكرهش كون كان براني غيدفتو ولكن باباها يديه مربوطين،
دار لعندها شاف فيها: غي طاحت من دروج اخالتي
زينب دوزات على شعرها: الله ابنتي هادشي لي داز عليك خلاك بلا صحة
ادهم حاول اكون عادي : علاش ضربها؟
زينب: شكون واش باباها
هز ليها راس بأه و جامع يدو على شكل لكمة.
زينب: اوا اولدي هو باغي ازوجها باش اتهنا عليها و عدو الحق و لكن خلاها تاقرات و خدمات و دبا جاها راجل مزيان و قبل بيه و هي الله اهديها قسحات راس و هو كتر منها راسو يابس و فات عطا الكلمة لناس ، ها انت اولدي انت مديرها و وقفتي معاها دبا هضر معاها ياك لي هرب من زواج هرب من طاعة ياك.
اش هاد تخربيق كتقول ليه لي مالكة قلبو بغاو ازوجوها لا و تعنفات حنتاش رفضات و دبا كتقول ليه قنعها باش تزوج واحد اخر .جنون طلعو ليه الراس لو كان كانت غي شي حد لي افوت فيه شي دقة و لكن جات فماماها عظ على حنكو من الداخل بغضب
شاف فيها بجدية حاول اتمالك راسو : خالتي شوفي بنتك مغذيش اديها شي حد من غيري سوا بالخاطر و لا بسيف
ضغطات ليه غزال على جنبو باش اسكت والو غي مزاد مركها حنات راسها .
زينب بإستفهام؛ انت واش بيناتكم شي حاجة؟
ادهم بلا حشمة: اه بيناتنا
زينب : وعلاش اولدي متتزوجهاش ياك تبارك الله خدام
غزال بحرج: ماما صافي عفاك سكتي
ادهم : باقي موافقاتش
""مصيرك طسمي""
الجزء:135
شافت زينب فبنتها: كفاش موافقتيش
أنت تقرأ
مصيرك طسمي (مكتملة)
Romanceقصة :مصيرك طمسي قصة غير المعتاد ... غنتعرفو جميع على الحب الروحي او ما يسمى توأم الشعلة:Twin flame... القصة تحتوي على... الحب بطريقة عنيفة. _الهوس_ العنف_المافيا_التملك_و محبوبة الجماهير السفالة 🔞بجرعة زائدة🔞 🖤🔞🖤🔞🖤🔞🖤🔞🖤🔞🖤🔞🖤...
