مصيرك طسمي (مكتملة)

part 18

""مصيرك طسمي""

الجزء: 90

دارو تفتحو عينين مريام بصدمة كتشوف فإلهام اه ماماها لقاتها فوضع مخل للحياء و مع سيف لي كتعتابرو ولدها ،شاف فيها سيف بصدمة ياك سافرو علاش رجعو دغيا.

شافت فيهم تا هي مضهشرا و تخلطو عليها كاع الاحاسيس حدها فيكسات عينيها عليهم .

مريام شداتها البكية: ماما

الهام بحدة: خرجي

مريام كتبكي: انا نشرح ليك اماما

الهام غوتات: قلت ليك خرجي

خرجات من الكوزينة كتجري طلعات بيت الفوق اخر حاجة توقعاتها تطيح فهاد الموقف و مع ماماها.

سيف كيشوف مبرد،تا هضرات الهام:كنتسنى تبرير اسيف

سيف: شفتي كلشي الوليدة

الهام : ياك اولدي واش مواعيش بغلطك راها بحال ختك و خوتها خوتك ياك قلتي انا ماماك علاش درتي فيا هكا اسيف علاش

سيف شدها ملي شافها كتبكي عيانة جلسها فكرسي و شد ليها يدها: شوفي فيا الوليدة انت راك ماما و ادهم خويا و عصام تا هو ولكن مريام عمرها كانت ختي تهربت منها تا عيت و لكن قلبي بغاها مقدرتش سمحليا ولكن دبا تفرش كلشي ليك و ليها.

الهام بشك: انتوما فعلاقة.

سيف بنفي: لا عاد عتارفت ليها و مجاوباتني بوالو

الهام: تفرق عليها اسيف البنت صغيرة و ادهم اقتلك الا عرفك درتي ليه بختو لي فالاصل كنشوفوها ختك تا انت .

سيف: سمحليا الوليدة سمحليا منقدرش جبت اخرتي و مخايفش من ادهم انا عتارفت ليها باش ناخد جواب و نقولها لأدهم مغنخبيش عليه.

الهام بنفي: لا متقولهاش ليه ايقتلك اسيف لا خليني انا نتصرف خلي ليا الوقت اولدي راك جيتيني على ضبرة انت ولدي و هي بنتي مقدرتش نخليك و منقدرش نعرضك الخطر لا اولدي

تحنا سيف باس فوق راسها نعول عليك الوليدة انا مخايفش ولكن على قبلك انت غنصبر ..

سكتات مسكينة عنقاتو لعندها متقدرش تخليه حلفات تا تعاملو بحال ولادها و ها هي كتوفي بوعدها ولو صعيب هدشي.

""مصيرك طسمي""

الجزء:91

كانت فردوس مزال كدير تلج لعصام تا دخلات عليه الياقوت و الجدة دخلات الهام الكوزينة تشرب و هو ما سبقوها .