The Destiny Found in Holland (Completed)

Drieën-twintig (23)

#Unicode

5 months later ,

အချိန်ယန္တရားဟာလည်း ပုံမှန်လည်ပတ်ရင်း တစ်ရက်ပြီး တစ်ရက်ကုန်ဆုံးသော နေ့ရက်များအတွင်း ပြောင်းလဲမှု အသစ်အဆန်းများလည်း ရှိခဲ့သည်။ ဂျွန်ဆေးရုံကဆင်းပြီးနောက်ပိုင်း နေပြန်ကောင်းသွားချိန်တွင် အမေက ကုမ္ပဏီမှ အနားယူတော့မည်ဟုဆိုကာ ဂျွန်အား ကုမ္ပဏီကိုဦးစီးရန် တောင်းဆိုသည်။ ထယ်ယောင်းကို ဦးစွာမေးမြန်းခဲ့သော်လည်း ထိုကဲ့သို့အလုပ်မျိုးကို စိတ်မဝင်စားတဲ့ ထယ်ယောင်းက သေချာပေါက် ငြင်းဆန်ခဲ့သည်။ အစပိုင်းတွင်တော့ ဂျောင်ကုကလည်း လက်မခံပေမဲ့ ထယ်ယောင်းက ကြိုးစားပြီး ဖြောင်းဖြမှ လက်ခံလေတော့သည်။ နဂိုဉာဏ်ထက်တဲ့သူပီပီ စီးပွားရေးဆိုင်ရာပညာရပ်များကို အချိန်တိုအတွင်း သင်ယူခဲ့ရာ အခုဆိုလျှင် အလုပ်ကြိုးစားသော CEO တစ်ဦးဟု ကုမ္ပဏီအတွင်း ရေပန်းစားနေလေသည်။

ထယ်ယောင်းကတော့ သူ့ရဲ့နဂို barista အလုပ်ကိုသာ နှစ်သက်သူမို့ ဂျောင်ကုက အိမ်နှင့် ကပ်လျှက်နေရာတွင် ကော်ဖီဆိုင်လေးတစ်ဆိုင် ထယ်ယောင်းအားဖွင့်ပေးသည်။ ဆိုးလ်မြို့အတွင်း နဂိုမူလဒတ်ခ်ျလက်ရာဖြင့် ကော်ဖီဆိုင်လေးမှာ တစ်နေ့ထက်တစ်နေ့ သောက်သုံးသူအများအပြားဖြင့် စည်ကားနေတော့သည်။ မိသားစုအရေးများဟာလည်း တဖြည်းဖြည်းပြေလည်လာပြီး အန်တီမီယွန်းက ကျွန်တော့်ကို ဂျွန်နှင့် လက်ခံပေးလိုက်ပြီဖြစ်သည်။ ဒါတောင်မှ ဂျောင်ကုက ဆေးရုံကဆင်းပြီး ထယ်ယောင်းကို ထွက်သွားစေချင်သော သူ့အမေအား ရက်အနည်းငယ်လောက် စကားမပြောဘဲ နေ၍ ထယ်ယောင်းမှာ သားအမိနှစ်ယောက်ကြားတွင် ဝင်ဖြန်ဖြေပေးရသေးသည်။ ကုန်လွန်သွားသော ရက်များအတွင်း ဘယ်လိုပဲ အပြောင်းအလဲတစ်ချို့ရှိခဲ့ပါစေ အမြဲမပြောင်းလဲသည်ကတော့ ဂျွန်နှင့် ကျွန်တော့်ရဲ့ ခိုင်မြဲနေသော အချစ်တွေသာ။

“ ထယ်ယောင်းဂီဟျောင်း !! ဘေးကနေ ခေါ်နေတာကြာပြီ၊ ပြုံးပြုံးကြီးနဲ့ ဘာတွေတွေးနေတာလဲ ”

နားအနားသို့ ကပ်အော်လိုက်သော အသံဆာဆာကြီးက နားအူသွားမည့်အလား နားထဲသို့ စူးခနဲဝင်ရောက်လာသည်။ အသံလာရာကို လှည့်ကြည့်လိုက်တော့ သူ့ကို ခါးထောက်ကာကြည့်နေသော ဟွန်းလေး။