If you believe (Complete)

7

Unicode
Zawgyi
~~~~~

"ကိုဥက္ကာခင်ဗျာ ကိုဥက္ကာ''

သူ့ရှိရာအလောတကြီးနဲ့ပြေးလာနေသော
ကိုယ်ရံတော်ကို ဥက္ကာမျက်မှောင်ကြုတ်လျက်သားနှင့်ကြည့်နေသည်။သူအခု
စိုက်ခင်းပတ်ပတ်လည်ကို စစ်ဆေးဖို့
တဲအိမ်ကလေးမှစတင်အောက်ကိုဆင်း
ခါစလေး။ ဦးဉာဏ်ကအဲ့သလိုရေးကြီးသုတ်ပျာအော်ခေါ်တာတွေမကြိုက်သလို ဥက္ကာလည်းဦးဉာဏ်အတိုင်းမကြိုက်။

"ဘာဖြစ်တာလဲ ငါအဲ့လိုအော်ခေါ်တာ
မကြိုက်ဘူးပြောထားတယ်မှတ်လား''

"တောင်းပန်ပါတယ်ကိုဥက္ကာ အရေးကြီးလို့ပါ''

"ဘာကိစ္စလဲ''

"ဝံပုလွေလေးပျောက်နေလို့ပါ''

"ဘာပြောတယ်!''

ဥက္ကာစိုက်ခင်းထဲပြေးဆင်းလျက်သားဖြစ်သွားသည်။အာလူးလေးပျောက်နေခြင်း။
ကိုယ့်ကိုသူ့အဖေဆိုပြီးခေါင်းထဲအပြီးတိုင်
ရိုက်ထည့်ထားတဲ့ကလေးမို့ ဘယ်သွားသွားခေါ်ရသည်။မခေါ်လျှင်မျက်ရည်ဘူးသီးတွေနဲ့ဝမ်းနည်းနေတတ်တာကြောင့်
ဥက္ကာ မထားခဲ့ရက်။

တစ်နေကုန်အနားရှိနေပြီး ညနေစောင်းမှပျောက်သွားသဖြင့် စိုးရိမ်စိတ်ကအမြင့်ဆုံးသောအပူချိန်ထက်ကျော်လွန်နေပြီ။

"K! အခုချက်ချင်းအာလူးလေးကိုရှာဖို့
ရှိသမျှလူတွေကိုမိန့်ကြားလိုက်!''

"ဟုတ်ကဲ့ ကိုဥက္ကာ ''

နေမင်းကြီးကအနောက်ဘက်ကို
တဖြည်းဖြည်းယွန်းသွားနေပြီး နောက်တစ်နာရီလောက်ဆိုဝင်တော့မည့်အချိန်ဖြစ်သည်။ စိုက်ခင်းကတောအုပ်ထဲဖြစ်သဖြင့် နေမဝင်သေးတာတောင်မှောင်ချင်ချင်ရှိနေပြီ။ cctvက မတပ်ရသေး။ အပစ်ခံထားရတဲ့စိုက်ခင်းမို့ဘာလုံခြုံရေးမှရှိ
မနေ။ ဥက္ကာ စိုက်ခင်းပတ်ပတ်လည်ကို cctvတပ်ဖို့စိတ်ကူးရုံရှိသေး cctvလိုအပ်ကြောင်း အာလူးလေးက သက်သေပြနေပြီ။

"တွေ့ကြလား!''

"မတွေ့ပါဘူး ကိုဥက္ကာ''

"တွေ့အောင်ရှာ မတွေ့မချင်းမရပ်နဲ့!''

အနီးကလူတွေကိုပါးစပ်နဲ့လှမ်းမေး
အဝေးကလူတွေကိုဖုန်းနဲ့လှမ်းမေးရင်းဖြင့်
ဥက္ကာ ဆောက်တည်ရာမရဖြစ်နေသည်။
မင်းသိုက်အပြီး နောက်အနီးဆုံးလူယုံဖြစ်တဲ့ Kက အားလုံးကိုဦးဆောင်ပေးသော်ငြား ဥက်ကာစိတျမခနြျိုငျ။