If you believe (Complete)

8

Unicode
Zawgyi
~~~~~

ဥက္ကာ အာလူးလေးကိုချီရင်းဖြင့်သူယခုနေရာချနေတဲ့စိုက်ခင်းအသစ်ကိုပြန်ရောက်လာသည်။Kအပါအဝင်အားလုံးသည် ဒရုန်းများရန်ကပုန်းနေရင်းဥက္ကာကို
စောင့်ကြိုနေသည်။ ဒရုန်းကပြန်ထွက်ခွာသွားတာသေချာပြီဖြစ်သော်ငြား သူတို့အခုထိ ပုန်းနေရာကမထွက်ရသေးချေ။
အရေးကြုံချိန် ခေါင်းဆောင်ကအနားမရှိတာကြောင့် သူတို့ ကြံရာမရဖြစ်နေခြင်းဖြစ်သည်။

"K!''

ဥက္ကာ အသံပေးလိုက်မှ ပုန်းနေသည့် သူ့
လူတွေဟာတစ်ယောက်များတစ်​ယောက်
ထွက် ထွက်လာသည်။

"ဘာဖြစ်သွားသေးလဲ K''

"ဘာမှတော့မဖြစ်သေးဘူး ကိုဥက္ကာ ဒါပေမဲ့ ကျွန်တော်တို့သတိကြီးကြီးနဲ့နေမှရတော့မယ်ထင်တယ် အဲ့ဒီဒရုန်းတွေကျွန်တော်တို့ပုံတွေရသွားရင်တော့ဒုက္ခပဲ''

"ပစ်လိုက်သေးလား''

"မပစ်ပါဘူး ကိုဥက္ကာ ပစ်လိုက်ရင်ကျွန်တော်တို့လက်ထဲမှာသေနတ်ရှိနေတာသူတို့သိကုန်လိမ့်မယ်''

ဥက္ကာ Kပြောသမျှကိုသေချာနားထောင်ရင်းစိုက်ခင်းပတ်ပတ်လည်ကိုသေချာ
ကြည့်ရှူနေသည်။ဒီလောက်တောနက်တာကို ဟိုကောင်တွေကဘယ်လိုသိရတာလဲ
Cctv တွေထပ်ထားပြီးသားဖြစ်ပေမယ့်
ယခုနေစစ်လိုက်ရင်ဒရုန်းတွေပဲမြင်ရမှာ
နောက်ကွယ်ကလူတွေကိုမြင်ရမှာမဟုတ်။

"ဟိုတစ်ယောက် လာခဲ့''

သူ့ထံမနေ့တစ်နေ့ကမှဝင်လာတဲ့ဒီကနယ်ခံ
လူယုံကိုဥက္ကာဆင့်ခေါ်လိုက်ခြင်းဖြစ်သည်။ ထိုတစ်ယောက်ကလည်းလက်တစ်ဖက်က ရိုင်ဖယ်သေနတ်ကိုကိုင်ရင်း
ဥက္ကာရှေ့ထွက်လာသည်။

"ပြောပါ ကိုဥက္ကာ''

"မင်းအထင်အဲ့ဒရုန်းတွေကို ဗိုလ်လင်းဆိုတဲ့တစ်ယောက်ကလွှတ်လိုက်တာလို့
ထင်လား''

"သူအဖွဲ့မဟုတ်ရင်တော့ သူနဲ့အဖွဲ့ချင်းတူတဲ့ကောင်တွေကလုပ်တယ်ဖြစ်မယ်
ဘာဖြစ်ဖြစ်သူတို့ကောင်တွေကအတူတူပါပဲ''

ဥက္ကာကသူသိချင်တာသိရသည့်နောက်တွင် မေးစေ့ပွတ်လျက်ခေါင်းညိတ်သည်။ သူလည်းဒီလိုပဲခန့်မှန်းခဲ့ပါသည်။မသေချာလို့သာသူမထုတ်ပြောတာ။