Unicode
Zawgyi
~~~~~~
ည၈နာရီရှိသွားချေသည်။ ၃နာရီတွင်စသည့်တိုက်ပွဲသည်
၆နာရီမှအကုန်ငြိမ်သက်သွားသည်။ စိုက်ခင်းကိုမီးရှို့တာ
သေဆုံးသူတွေကိုသဂြိုလ်တာတွေပါလုပ်ပြီးသည့်အခါ
အချိန်က အမှောင်ဖုံးသွားသည်။
လင်းဆယူသည် သေဆုံးသွားပြီဖြစ်သည့်ဥက္ကာ၏
အလောင်းကို သူ့တပ်ရင်းသို့ပြန်သယ်ဆောင်လာသည်။
လင်းဆယူသည် သူ့ချစ်သူအားကောင်းစွာသဂြိုလ်နိုင်ဖို့ကြိုးစားနေသည်။ သို့သော် သူ့တစ်ကိုယ်လုံးဟာ အား
မရွိ။ မျက်ရည်တွေကယခုချိန်တိုင်စီးနေသေးတာကြောင့်
လင်းဆယူသည် ချစ်သူအလောင်းအားကားပေါ်ကချပြီးသည်နှင့် ချစ်သူအလောင်းနံဘေးသာထိုင်နေသည်။
"တာပေါ''
"ရှိ ဗိုလ်လင်း''
တစ်ချိန်လုံးငိုနေတဲ့ဗိုလ်လင်းကအသံပေးလာသည်မို့
တာပေါ တက်တက်ကြွကြွနဲ့ထဖြေနေ၏။ ဗိုလ်လင်းကတော့ သူ့ကိုလှည့်ကြည့်မလာ။ ဥက္ကာမျက်နှာထက်ကသွေးတွေကိုသာ ဖွဖွသုတ်နေသည်။
"ငါ့ချစ်သူအတွက်အခေါင်းလှလှလေးပြင်ပေး
အဝတ်အစားအသစ်နဲ့သနပ်ခါးတွေပါစီစဉ်ထားပေး
ငါ့ချစ်သူကို ငါကိုယ်တိုင်ရေချိုးပေးမယ်''
လင်းဆယူသည် အသက်မဲ့သွားပြီဖြစ်သောချစ်သူကို
အသက်ရှိစဉ်ကအတိုင်းမြတ်မြတ်နိုးနိုးဆက်ဆံသည်။
တာပေါတို့သယ်လာပေးသောရေများဖြင့် ချစ်သူ့
တစ်ကိုယ်လုံးကိုသန့်စင်ပေးနေသည်။ ရေကသွေးများကြောင့်နီသွားသည့်အခါ တာပေါတို့ကိုရေအသစ်လဲစေသည်။
မိုင်းကြောင့် ဥက္ကာအသားတော်တော်များများဟာပွန်းပဲ့နေကုန်သည်။အရေခွံတွေဆိုတာကတော့ ရေစိုသည့်တစ်ရှူးတွေအလား။ လင်းဆယူသည် သူချစ်သူ့ကိုယ်ကိုသန့်စင်ပေးနေချိန် တာပေါတို့ကိုအဝေးမှာသာနေခိုင်းလေသည်။
လင်းဆယူ၏ဝင်သက်ထွက်သက်တိုင်းတွင်မျက်ရည်တို့နဲ့အတူ ရှိုက်သံတွေပါရောပြွမ်းနေသည်။အသက်တစ်ချက်ရှူလိုက်တိုင်း'ဥက္ကာသူ့ကိုကိုထားသွားပြီ'ဆိုတဲ့အသိက
သူ့ကိုနှိပ်စက်နေသည်။ ထို့ကြောင့် မျက်ရည်တွေဆိုတာ
လွယ်လွယ်နဲ့မရပ်တန့်နိုင်ပါ။ ချစ်သူကိုယ်အားသန့်စင်နေသည့် ရေတွေဟာလည်း သူ့မျက်ရည်တွေထက်တောင်
နည်းနေလောက်သည်။
