Unicode
Zawgyi
~~~~~~
လင်းဆယူသည် မျက်နှာတည့်ရာကိုဆောက်တည်ရာမရပြေးနေသည်။ သူယခုရောက်နေသည့်ကမ္ဘာသည်သူ့အား ဝင်္ကပါ လိုကျီစားနေသည်။ ငိုသံတွေနဲ့အတူသူ့ကိုအော်ခေါ်သံတွေသူအဆက်မပြတ်ကြားနေခဲ့ပေမယ့်
ဘယ်သူ့ကိုမှသူရှာမတွေ့။ ဘယ်သွားသွားနေရာတစ်ခုတည်းကိုပဲသူပြန်ရောက်နေသည်။
သူ့အဖြစ်က အဖုံးပိတ်ထားတဲ့ဆန်အိုးထဲပြုတ်ကျနေတဲ့
ပိုးကောင်လေးလို ကယ်တင်မယ့်သူရှိမှသာ လွတ်မြောက်နိုင်မည့်ဘဝဖြစ်သည်။
ပတ်ဝန်းကျင်တစ်ခွင်အားမြူခိုးတွေဖုံးနေသဖြင့် အဝေးတွေကို သူမမြင်ရ။ အနီးအနားလေးတွေကိုသာမြင်နေရသဖြင့် မျက်ကန်းတစ်ယောက်နဲ့မခြား သူချင့်ချိန်ကာ
သွားနေရသည်။ ရင်ဘတ်ကတဆစ်ဆစ်ကိုင်နေတာ
ကြောင့် သူ့မျက်နှာကရှုံ့မဲ့နေ၏။
"ဒါက ဘယ်လိုနေရာမျိုးလဲ''
အသံတစ်ခုကြားလိုက်ရသည်မို့ လင်းဆယူလမ်းလျှောက်ရာကရပ်ပြီးခေါင်းထောင်ကာ နားစွင့်နေသည်။ ထို့အပြင်
အသံက သူသိတဲ့သူအသံနဲ့ခပ်ဆင်ဆင်။
"ဒီနေရာက သေဆုံးခြင်းနယ်နိမိတ် ပြောရရင်သေသွားတဲ့သူတိုင်းမဖြစ်မနေဖြတ်ကျော်ရမယ့်နယ်နိမိတ်''
ပြန်ဖြေသံသည် အသက်၈၀ ကျော်အဘိုးအိုးလိုအသံမျိုးနဲ့တူနေသည်။ လင်းဆယူ သူ့ကိုယ်သူငုံ့ကြည့်လိုက်မိသည်။ သူသည် တစ်ကိုယ်လုံးအဖြူတွေချည်းဝတ်ထားသည်။ သီးခြားကွဲထွက်နေတာက သူ့ရင်ဘတ်ကစိမ့်ယိုနေတဲ့သွေးတွေသာ။
လင်းဆယူနှုတ်ခမ်းတုန်ယင်လာပြီး မျက်ရည်ဝိုင်းလာသည်။ သူကနဦးကကြားလိုက်သည့်အသံဟာ မဟုတ်မှ
ဥက္ကာရဲ့အသံ...။
အတွေးနဲ့တင် လင်းဆယူသွေးပူလာပြီး ခြေလှမ်းတွေကို
အသံလာရာတွေကိုပိုမြန်နေသည်။
"ဥက္ကာ!''
ရှာကြည့်ရုံနဲ့မရတော့ လင်းဆယူအသံပေးလိုက်သည်။
တစ်ချက်အော်ရင် ရင်ဘတ်ကအဆမတန်အောင့်လာ
သဖြင့် သူနားနားပြီးမှအော်ရသည်။
"ဥက္ကာ!''
ပထမတစ်ခေါ်ထူးသံမကြားသဖြင့် လင်းဆယူဒုတိယ
တစ်ခေါက်ထအော်နေသည်။ ဒါလည်းထူးသံမကြားရသေးတော့ လင်းဆယူအသက်ကိုမော့ရှူပြီး မျက်လုံးမှိတ်ကာ ထပ်ခေါ်ဖို့ကြိုးစားသည်။
YOU ARE READING
If you believe (Complete)
Romancemever ending ထဲကဗိုလ်လင်းရဲ့ficပါ start.. Aug 21 2022
