If you believe (Complete)

15

Unicode
Zawgyi
~~~~~~

ပေးထားသောအခွင့်အရေးနှင့်အချိန်မှာ၃ရက်လုံးကုန်ဆုံးတော့မည်ဖြစ်သော်လည်း ဘိန်းခင်းကကောင်တွေကတော့တစ်ယောက်မှလာရောက်အဖမ်းမခံ။  ၃ရက်မြောက်နေ့ရဲ့ မွန်းလွဲပိုင်းကိုရောက်ရှိလာသည့်တိုင်
တစ်​ယောက်မှပေါ်မလာသဖြင့် လင်းဆယူတို့ချီတက်ဖို့
ပြင်ဆင်ကြတော့သည်။

စိုက်ခင်းရဲ့အရပ်တိုင်းအားတပ်သားတွေဖြန့်ကြက်ထားပြီဖြစ်ကာ အမိန့်သာပေးဖို့ဘဲကျန်တော့သည်။ ဒုစရိုက်
အပြစ်သားတွေကိုချေမှုန်းရသည့်အသေးစားတိုက်ပွဲလေးသာဖြစ်သော်ငြား လင်းဆယူတို့ဘက်ကလုံလောက်သောစစ်ကူ လက်နက်မျိုးစုံပြင်ဆင်ထားသည်။

တချို့ဂိုဏ်းအဖွဲ့တွေကအင်အားကြီးသည့်အခါအဆင့်မြင့်သော လက်နက်ခဲယမ်းတွေလည်းပိုင်ဆိုင်ထားကြသည်။
ထိုသို့သောအင်အားကြီးသည့်ဂိုဏ်းတွေကိုရင်ဆိုင်ရသည့်အခါမှာတော့ အချိန်ကလိုတာထက်ပိုကြာတတ်သလို
အကျအရှုံးတွေလည်းများတတ်သည်။

လင်းဆယူသည် တပ်သားသုံးယောက်နဲ့အတူစိုက်ခင်းရဲ့ဝင်ပေါက်နားတွင်နေရာယူထားနေသည်။တာပေါနှင့်တပ်သားတချို့ကတော့ စိုက်ခင်း၏ဒုတိယထွက်ပေါက်တွင်ရှိနေသည်။ အဲလာဦးဆောင်သည့်စနိုက်ပါတပ်ဖွဲ့ကား အနီးနားကသစ်ပင်တို့ပေါ်နေရာယူထားနေကြပြီ​ဖြစ်သည်။

လင်းဆယူသည်သေနတ်မောင်းကိုဆွဲတင်ပြီးနောက်
အမိန့်ချဖို့မျက်လုံးမှိတ်ကာအာရုံစုစည်းထားသည်။

တက်!!!

လင်းဆယူအမိန့်ပေးလိုက်သည့်နောက်မှာတော့ သေနတ်သံတွေပြိုင်ထွက်လာသည်။တပ်သားတွေကလည်းတဖြည်းဖြည်းနဲ့ချီတက်သွားသည်။တစ်ဖက်ကလည်း ခုခံလာသည်။ ကျည်ဆန်တွေဆိုတာ မိုးစက်တို့အလား
ခေါင်းတို့ထက်ဝယ် ရွှီးခနဲ ဖြတ်သွားလာနေသဖြင့်
လင်းဆယူ၏တပ်သားများသည် မြေပေါ်တွားသွားရင်းနဲ့သာ ချီတက်နေကြသည်။

လင်းဆယူတို့ပါလာသောတပ်သားအင်အားမှာ  အားလုံးပေါင်းသော် ၃၀သာကျော်သည်။တစ်ဖက်အင်အားကတော့ ရာကျော်သည်။သို့သော် သူတို့ဘယ်လောက်ပင်
အင်အားကြီးနေပါစေ နှစ်နဲ့ချီအထူးလေ့ကျင့်ထားတဲ့
လင်းဆယူတို့တပ်ကိုတော့ မနိုင်ပါချေ။ ကြောက်စိတ်ကို
ဆေးနဲ့ဖုံးလိုက်တဲ့တချို့ကဆိုအော်ရင်းပြေးထွက်လာ
သဖြင့်နေရာနဲ့တင်အသက်ပျောက်သွားကြတာများသည်။