Unicode
Zawgyi
~~~~~~
"ဗိုလ်လင်း ခေါင်းဆောင်နောင်ကဖုန်းပြန်ဆက်ပါတဲ့''
"နောင်က!''
တာပေါပြောမှတစ်နေ့ကနောင်နဲ့မပြီးပြတ်သေးတဲ့ဖုန်းထဲကစကားဝိုင်းအားပြန်ဆက်ဖို့မေ့နေတာကိုသူသတိရသွားသည်။ဒီနေ့တစ်နေကုန်အပြင်ရောက်ခဲ့တာတောင် နောင်ဆီဖုန်းခေါ်ဖို့လုံးလုံးမေ့နေခဲ့တာ။ ယခုလိုပေါ့ပျက်နေတဲ့အပေါ်သူ့ကိုယ်သူစိတ်ပျက်မိလာသည်။ လူတွေပြော ပြောနေတဲ့ ဗိုလ်လင်းလိုမပီသလိုက်လေခြင်း။
"ဖုန်းကဘယ်နားသွားပြောရတာ ''
"ဟိုနားလေးပဲ ''
တာပေါက စခန်းနံဘေးကတောင်ပုလေးကိုညွှန်ပြသည်။
လင်းဆယူ ခေါင်းညိတ်ပြီးတစ်ယောက်တည်းသာသွားလိုက်၏။ တောင်ပုလေးဟာ တောင်တက်လေ့မရှိသည့်
လူတွေအတွက် တမောတပန်းနဲ့တက်နေရသော်ငြား
လင်းဆယူတို့လို တောတောင်တွေကြားကျင်လည်လာ
သည့်လူတွေအတွက်ကတော့ ပါးပါးလေးသာဖြစ်သည်။
တောင်ပုလေးပေါ်တက်ရာတွင် လင်းဆယူအတွက်၅မိနစ်မျှတောင်မကြာခဲ့ပါ။ လူတစ်ယောက်မှရှိမနေပေမယ့်
တောင်အောက်ကအသံမှန်သမျှကိုတော့ကြားရပါသည်။
ကလိန်း~ကလိန်း!
ဖုန်းလှိုင်းမိသည့်နေရာရောက်သည်နှင့်မက်ဆေ့တွေကတန်းစီပြီးဝင်လာသည်။ ထိုမက်ဆေ့တွေထဲ နောင်ဖုန်းခေါ်ဆိုထားကြောင်းသက်သေပြနေသည့်မက်ဆေ့တွေလည်းပါနေသည်။ လင်းဆယူ ချက်ချင်းနောင့်နံပါတ်ကို
နှ်ိပ်ပြီးဖုန်းပြန်ခေါ်လိုက်ပါသည်။
တူ!
"ဟယ်လို''
ဖုန်းကတစ်ချက်ဝင်သည်နှင့်တစ်ဖက်ကကိုင်လိုက်သည့်နောင့်အသံချက်ချင်းထွက်လာသည်။
"နောင်! တာပေါကမင်းဖုန်းပြန်ခေါ်ခိုင်းတယ်ဆိုလို့''
"ငါကပြောမှသိတာလား လင်းဆယူ! ဗိုလ်လင်းပီသအောင်နေစမ်းပါ အဲ့နေ့ကတမင်ဖုန်းချသွားတာလား''
"မဟုတ်ပါဘူး ဖုန်းအားကုန်သွားတာ ပြီးတော့မင်းနံပါတ်လည်းအလွတ်မရတာနဲ့''
ဘယ်လောက်ပဲအနေဝေးလို့အသံပဲကြားနေရပါစေ
လေးစားခဲ့ဖူးတဲ့သူမို့ ရှိန်ခဲ့ဖူးတဲ့သူမို့ ဆင်ခြေတွေပေးနေချိန် လင်းဆယူ တည်ငြိမ်မှုအပြည့်နဲ့ရှိမနေနိုင်။ အရိုက်ခံရမှာစိုးတဲ့ကလေးလို ခေါင်းကုတ်ရင်းအသံကအလိုလိုတိုးနေတာ။ ယခုနေ သူဟာ တပ်သားတွေကိုဦးဆောင်တဲ့
ဗိုလ်လင်းမဟုတ်။ နောင်ရဲ့ဝမ်းကွဲညီ လင်းဆယူသက်သက်သာဖြစ်နေခြင်း။
YOU ARE READING
If you believe (Complete)
Romancemever ending ထဲကဗိုလ်လင်းရဲ့ficပါ start.. Aug 21 2022
