Unicode
Zawgyi
~~~~~
သူတို့ယခုထောက်လှမ်းမိထားသောဘိန်းခင်း၏
အကြောင်းအရာအခြေအနေပြည့်ပြည့်စုံစုံကိုလင်းဆယူအထက်သို့တင်ပြခဲ့ပြီဖြစ်သည်။ တင်ပြပြီး၁၀နာရီအကြာမှာတော့ အထက်ကပြန်စာပြန်ရလာသည်။
'စောင့်ကြည့်ရုံသာစောင့်ကြည့်ဘာမှမလှုပ်ရှားသေးနဲ့ဦးတဲ့'။ ကိုယ်တိုင်လှုပ်ရှားဖို့မလိုသေးတာကြောင့်
တာဝန်ပါးသည်ပြော၍ရ၏။
ထို့ကြောင့် အာလူးလေးကိုကတိပေးထားသည့်အတိုင်း
လင်းဆယူ ခဏဖြစ်ဖြစ်မျက်နှာသွားပြဖို့ဆုံးဖြတ်လိုက်သည်။ ကတိလည်းပေးထားတာပဲ။ကလေးဖြစ်နေသဖြင့်
သူ့ဘက်က ကျိန်းသေတာဝန်ယူမှရလိမ့်မည်။
"နေဦး ဗိုလ်လင်း''
လင်းဆယူကားပေါ်တက်ဖို့လုပ်နေစဥ်နောက်ပါးမှတာပေါအသံကြောင့်ခြေလှမ်းကိုအရှိန်ရပ်လိုက်၏။
"ဖုန်းကျန်ခဲ့တယ်လေ ဗိုလ်လင်း''
"ဟုတ်သား''
"သေနတ်ပါယူသွားမလို့လား''
"ဟမ်!''
တာပေါပြောမှလင်းဆယူသူ့ကိုယ်သူငုံ့ကြည့်မိသည်။
ဟုတ်သား သူ့ခါးမှာ 9mamaသေနတ် တစ်လက်ရှိနေတာ။ အပြင်သွားမှာမလို့အရပ်သားဝတ်စုံပြောင်းဝတ်ထားတာဆိုပေမယ့် သေနတ်ထားခဲ့ဖို့သူမေ့သွားတာပဲ။
ဒီလက်နက်က သူ အမြဲလိုလိုကိုယ်နဲ့မကွာဆောင်ထားတတ်သည့်ကံကောင်းမှုလေး။
"ဟုတ်သားပဲ ရော့ ငါ့နေရာမှာပြန်ထားပေး''
တာပေါသည် လင်းဆယူကမ်းပေးလာတဲ့သေနတ်အား
ချက်ချင်းယူနေသည်။ သူအကြည့်တွေကတော့လင်းဆယူထံဝယ် ပြုံးစိစိနှင့်။လင်းဆယူမျက်မှောင်ကြုတ်သွား၏။
"ဘာဖြစ်တာလဲ တာပေါ''
"ဗိုလ်လင်းပုံစံကဘာနဲ့တူလဲသိလား''
"ဘာနဲ့တူလို့?''
"မသိရင်ချစ်သူနဲ့သွားတွေ့မယ့်လူလိုပဲ သတိကိုမရှိတာ''
တာပေါဆီကထိုသို့အပြောခံလိုက်ရသည့်လင်းဆယူသည်
ခါးထောက်လျက်သူ့ကိုယ်သူတစ်ချက်ငုံ့ကြည့်နေသည်။
ယခုလိုပြောခံလိုက်ရတာကြောင့်သူမျက်နှာပူသွားသည်။
YOU ARE READING
If you believe (Complete)
Romancemever ending ထဲကဗိုလ်လင်းရဲ့ficပါ start.. Aug 21 2022
