If you believe (Complete)

6

Unicode
Zawgyi
~~~~~~

လင်းဆယူ ဦးဆောင်သည့်တပ်ခွဲမှတပ်ကြပ်အပါအဝင်အားလုံးသည်
လင်းဆယူရှေ့တုတ်တုတ်မျှမလှုပ်ဘဲ
လက်တွေကိုနောက်ပစ်ရင်း မားမားမတ်မတ်ရပ်နေသည်။
သူတို့အားလုံးအပြစ်ခံယူဖို့အသင့်ရှိနေကြခြင်းဖြစ်သည်။

လင်းဆယူကမူ အားလုံးရှေ့ခါးထောက်ကာရပ်ရင်းစူးရှသောအကြည့်တွေကိုထုတ်လွှတ်နေသည်။သူပင်မရုံးမှာ အစည်းအဝေးသွားခဲ့တာ၅ရက်သာကြာသည်။ဒါကိုသူ့တပ်ခွဲကပြသနာအကြီးစားရှာခဲ့သည်။

စက်သေနတ်တစ်လက်အခိုးခံရခြင်း။
ဒါကဘယ်လိုမှမဖြစ်သင့်တဲ့အရာ။အထက်ကကြားရင်လည်းလုံးဝခွင့်လွှတ်မှာမဟုတ်။သေနတ်ဆိုလျှင်
နည်းနည်းလေးမှအမှားအယွင်းခံတာမဟုတ်။ယုတ်စွအဆုံး ကျည်ဆန်တစ်စေ့လေးတောင်အကြောင်းအရင်းမရှိဘဲအဆုံးရှုံးမခံ။ အကယ်၍ဆုံးရှုံးစေခဲ့ရင်အပြစ်ခံယူရသည်။

"မင်းမှာဘာပြောစရာရှိသေးလဲ တာပေါ''

"မရှိပါဘူး''

ဘယ်ရှိမည်လဲ အခိုးခံရတဲ့သေနတ်ကသူကိုင်တဲ့သေနတ်ကိုး။ ခိုးတဲ့သူကား ရွာကစိတ်မနှံ့တဲ့ကောင်လေး။သူ ခိုးပြီးမနက်မိုးအလင်းမှာပဲ သူ့ဖအေဖြစ်သူက တောင်းတောင်းပန်ပန်နဲ့သေနတ်ကိုပြန်လာပေးသွားသည်။သို့ပေမယ့် တာပေါအပါအဝင်အားလုံးကအပြစ်ဒဏ်ကိုခံယူရလိမ့်မည်။ အကယ်၍ သေနတ်သာပြန်မရပါက
ပြဿနာဟာဒီထက်ပိုပြီးကြီးထွားလာနိုင်တာမလို့။

အိပ်နေချိန်ဖြစ်သွားတာတဲ့။ဘယ်လောက်တောင်အအိပ်ကြီးလိုက်သလဲကြည့်။
သေနတ်ကိုင်ပြီးဒီလောက်အအိပ်ကြီးရတယ်လို့ လင်းဆယူပထမဆုံးအကြိမ်မြင်ဖူးသွားတာပါပဲ။ တပ်သားကောင်း
တစ်ယောက်အဖြစ် ရပ်တည်လာအောင်
အဆင့်ဆင့်သင်ကြားရယူခဲ့တဲ့ပညာတွေကို ဘယ်ချောင်မှာများသွားပစ်ထားနေခဲ့လဲ။ သူဦးဆောင်တဲ့တပ်ခွဲမှာမှဒီလိုဖြစ်ရတယ်လို့ လင်းဆယူ ဘယ်လိုပေါက်ကွဲရမှန်းတောင်မသိတော့။

တွေးလေ ဒေါသထွက်လာရသည်မို့
သူတို့အတွက်ပြစ်ဒဏ်မြန်မြန်ချမှတ်ဖို့ကို
လင်းဆယူဆုံးဖြတ်လိုက်တော့၏။