يالحب حبنا ترى حب ماتوصفه صوره قالوا عنه اسطوره حب عشريني،ثلاثيني،اربعيني،خمسيني
قمت الصباح ززاقههه مره واخذت شور اطير الكسل والنفسيه الشينه طار الكسل بس النفسيه الشينه باقي طلعت ولقيت ايميلي مسويه معشوقتي اول ماشربتها حسيت ثواني الدنيا بخير ومرتاااح وسعيد ركزوا "ثواني بس" بعدها رجعت طبيعي قالت ايميلي فيك فصام توك تبتسم ورجعت عبست قلت استانست بقهوتي بعدها خلاص ! تبيني متصنم بالبسمه لعيونس ياهانم قالت استغفرالله وراحت
مرواح جدي ياحماره مابقى الا هي تحاسبني
فتحت جوالي وتذكرت اني طالب جامعي ولازم ادخل القروب واقرا كل رسايلهم عشان اعرف وش المهم لكن تذكرت اني فهد مو اي طالب ولو اسأل بيردون علي مايسفهوني "لان دايم اذا سال احد يقولون عندك عيون اقرا واعرف اذا فيه او لا هههههههههههههههههههههه " "واذا سال احد يقولون جاوبنا فوق رح شف"
لكن فيه منهم زينين يردون طبيعي
المهم قلت فيه شيء مهم؟ ورد واحد "لا" تحسبون خلصنا؟ جاء بعدها "لا" لا" لا" لا "لا "لا "لا" واللي يسوي بيغير الكلمه ويقول "لا مافيه بس طلاب يستفسرون" صح انهم يردون بس خلاص!!! رد واحد يكفيييي عشان كذا الرسايل تجي واجد حسبي الله يدبلوني
المهم طلعت ابدل ونزلت لقيت وليد يالله صباح خير! اصبح على وجهه من بعد ايميلي لقيته يفطر شفت باقي وقت قلت خل انقنق وجلست وناديت نسبيا تصب قهوه ووليد كان يراسل ويبتسم وكلنا عرفنا من يكلم يعني المهم رفع راسه قال اوه انت هنا؟ قلت لا طيفي
ادري اني سامج بس يبقى سواله اسمججج
قال فيه اجازه جايه وسكت قلت طيب اجازه وبعدين؟ قال ماخبرك ابوي قلت لا
اخترها طلع نايف يبغانا نسافر معه لرحله عمل! حنا شدخلنا ؟ والله ابد بس خويه قال ابي اقابل عيالك الله يبلشك ياخوي نايف تقدر تشوفنا صوره او بعدين اذا رجعت السعوديه! مو لازم هالفتره يارب صبرني
قلت لا انا مضغوط قال بدينا حركات طلاب الصحي
شدخل؟ مدري
عاد اشوفني الوحيد اللي ماحللت تخصصي نفس مايقولون ان طلاب الصحي يعني ماكان غيرهم يدرس ومابقى الا ينامون بلبسهم ويتصورون مليون صوره وبكل جلسه يجيبون طاري تخصصهم
انا ماسويت ولا وحده للحين
وعاد تجادلنا وبعدها طلعت ونسيت السالفه وخلاص قام ارسلي واتس قال شف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
