وياصباح الخير
جد جد ما امزح لو اقولكم هذا الرمضان اللي فعلا اشقى اشقى فيه
من ناحيه ايش يافهد؟ ناحيه نفسيه جسديه عقليه
كلللل شيء كل شيء
رمضاني دايم مايكون بالشكل اللي كوكتيل 😂عرفتوا شلون
جد جد احتاج حل
ولكن المشكله مو بالحل نفسه
المشكله اني مو لاقي وقت احل هالمشكله 😔
يعني حتى من قوه ما انه رمضان مختلف تحملت مسؤوليه شخص تخيلوا فوق الضغط
حقيقي هالفتره
تبغاني طالب العلم ؟ ابشر
تبغاني امك ؟ ابشر تبغاني ابوك؟ تبغاني حبيبك؟ تبغاني مقاول ؟ تبغاني مشرف؟ تبغاني ربه منزل؟ كله ابشر
حتى ربه منزل عشت شعورها للأسف الشديد
كلها اضطريت اسويها بالخمس ايام ذي فقط🥹
نبدا بطالب العلم
تخيلوا ايش؟ عندي محاضرات اونلاين
حلو؟ حلو
مافيها مشكله ذي
المشكله في محاضرات الحضوري
ياجماعه يخلوني اداوم عشان يشوفون وجهي 😐 حرام عليك وش الفايده
والله ما استفدت من دوامي الحضوري شيء
غير اننا حددنا ايش البحث المطلوب وكم معنا عشان ننجزه فقطط
حرام اداوم عشان كذا !
نبدا بالام
باسل صارت له مشكله وزعل وانسدت نفسه عن الاكل وانا اجلس اداريه يوم حتى امه ماسوت كذا
وبس يعني جاني احساس امومه
نجي عند الاب
صاحبي جته مشكله وماقدر يتخطاها
وجاني وعاد يحسبني ابوه يعني الموقف يحتاج ان ابوه يدخل
هو يقول لا انت
ياحبيبي انا ابو يحتاج ابو صدقني
نجي عند الحبيب
مايحتاج اذكر تفاصيل غير اني اتصرف كـ حبيب يعني😂
نجي عند المقاول
عندي ارض زين؟ عليها صك لكن اقدر استغلها وابني فيها
المهم
الارض جايتني من شخص مقرب
اقدر اقول ورث
عاد اللي ورثني اياها قرر يغصبني استفيد منها ههههه ياخي مرات ماودك الاهل يفيدونك
انت عطيتني ؟ خلاص شعليك مني
للأسف اكتشف انها جايتني مو من طيب نيه
يبغون رده فعل معينه وماحصلوها قالوا خل نبثره
ومالقوا الا اللحين عاد!
نجي عند مشرف
نايف من زود فضاوته قرر يجدد مزرعه جدي اللي من عام جدي
يعني وش جوك؟ مدري
ناقصك مزرعه ؟ عندنا مزرعتين شتبي اكثر !
وقرر انه يتذكر ان عنده ولد اسمه فهد
قال يالله جيب العمال وخل فلان كذا وهذا كذا وابي كذا ويبي يطلب وايت واشياء تخص المزرعه
صدعت منه اقوله ياخي محد فاضي لك !
يقولي شتسوي بس تدرس
يارب قوه صبر زياده اللي عندي ماتكفي
المشكله ماكفاه كذا قال سنعني بكرفان نبي نوديه العزبه
ياربببب تختفي ذي العزبه
"العزبه" مكان النياق والحلال وفيها خيام وكرفان وكذا
المهم صدعت يزينها عشان العيد يسوون فيها سهرات شيبان
انا اسميها كذا "سهرات شيبان" 😂
ولا هو ماقال كذا ابدا
أنت تقرأ
يوميات مراهق بدون الألف🖕🏻
Diversosفهد نايف ✨ المشهور ✨ توقع كل شيء مني في يومياتي اللي مو كل يوم وقبل تسال كل صوره هنا ترجع لي والغلاف صورتي بعد وسلامتك عشان اتفادى هالسوال ونكون حلوين
