لا مو كذا ياحلو؟ ليش اختفيت؟ صح اني ما اهتم لأحد ولو اهتميت لا سمح الله اخفي هالشيء لكن انكشفت رغم ان مافي شيء يكشفني بس ماني عارف اه هو فيه واحد معي بالجامعه يعني مايجمعني معه اي كلاس بس اشوفه يعني مقتطفات هذا ببدايه الدوامات وعاد بعد كم اسبوع من تبادل النظرات كنت اتقهوى واراجع محاضره هو جلس معي!!! وايي وربي حلو مابطفش وانا اناظره بس سويت نفسي مو مهتم وعاد سلم وجلس وقال فهد صح؟ قلت ايه وعاد علمني اسمه وعمره وحياته وبالنهايه قال اوه تكلمت كثير قلت توك تحس؟
يمه انا صريح ولا وقح هنا؟ شسوي ازريت احبس كلامي وعاد هو سكت شوي وقالي انه لحاله بالديره واهله مو هنا ومو مسوي علاقات
المشكله ماسئلتك طال عمرك ليش تهرج
وعاد صرفته ورحت واكتشفت ان الحسنه اللي فيه مغر مزيون ولا غيره مافي كذا مو مريحه القعده معه
حكمت عليه من قعده وحده برافو يا انا
المهم انه من بعدها معاد شفته عاد شسالفه؟ يعني سئلت الاخ الكريم نايف وندمت قالي تحبه؟ يااخي اسكت تكفى
آنا متأكد ان نايف يتخيل انه لو قال كذا ويسوي نفسه اللي متقبل الوضع اني بقول واو انت اب مثالي تعال اعلمك شعندي؟ ويطلع عندي حبيب وهو يسوي نفسه يدعمني وبالاخير يجحفلني ويلعن خيري
انا متأكد مليون بالميه انه يتخيل كذا مايدري ان ولده ماعنده احد
بغيت اروح الجامعه بشعر كيرلي وشفت فيديو ع السريع واحد يحط جل ويلف شعره دويره عاد قلدته ويعني ليتني استخرت
نمت وصحيت وانفجعت بشكل شعري وبعد كنه مزيت
عاد ارسلت الصوره بالضبط اشكي وترك شكواي وقام يقول ليش مغطي وجهك؟ يااخي قايم من النوم والاضاءة حقت الغرفه خايسه وحالتن قشرا واصلاً انت شكو؟ وبعدين قال انت لابس ملابس؟
اف ليتني ماكلمته
رحت ضبطت قهوه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قمت اصور عشان الشمس طبعاً
المهم خلصت دوام ع السريع ورجعت نمت وقمت الليل واو وقمت سويت جو لنفسي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكنسلت ام الجو وطلعت افرفر واكتب كلام بالخاطر ماينقال الا للورق
هه واحد قال ترى اللي يدخل طب عشانه شاف مسلسل ولا عشان معدله عالي ماراح يفلح
