يوميات مراهق بدون الألف🖕🏻

مُخيم

الويكند اللي فات عجيببببببب
اهل نايف مسوين مخيم متجمعين
"ايوه مستخسر اقول عماني "
المهم
توهم يستوعبون الشتاء خلص وقضى
عاد يسلكون لنفسهم يقولون حنا الاجواء حقتنا براد ماتفرق

صادقين صح براد وامطار حتى قبل امس كان جاينا بردي بس ذا بالنسبه لنا شيء طبيعي لان اجواء الصيف حقتنا كل شيء الا انها صيف

ولكن عند المبدأ ياخي😂!
حطب ونار ويعني وضع شتوي بحتتتت

عاد الاربعاء قبل الويكند كنت افكر اروح ولا لا
بعدها دريت من نايف ان فيصل بيجي ومعاه اهله

للأمانه مشتاق لبنته اول طفله تدخلللل قلبيييي واعماق اعماق قلبي بعد🤍
وفيصل بكبره اصلا ودي اشوفه
ومن بعد سالفه الرجال اللي جاء بيته يقول بشتريه وانا مو شايفه ابد
ومنها اقضي الويكند ذا بشيء مختلف شوي
فـ قلت يلااا فهد شوراك

جمعتهم كانت الجمعة

عصر الخميس
شفت نايف يجهز شنطته

كنت راقي فوق وشفت العامله رايحه بشنطه لجناح نايف
استغربت بس طنشت
بعدين انجلطت يوم شفت تغريد تكلم اهلها روحي خلصي اشغالك وانا اصلا بجهز ملابس نايف للمخيم

وفلللل دوخه
قلت ذولي بيجلسون كم يوم ؟ وليش متحمسه من اللحين تجهز !

شفت نايف بالحوش يتقهوى رحت اصب لي قهوه وعلى الماشي قلت له ناوين تجلسون من متى لمتى ؟ قال ياربي يافهد لا تحاول تجي لان لو قليت ادبك على اهلي فأنا بقل ادبي دبل عليك
قلت يلعن تفكيرك !!! سكت اهلك وانا بسكت

وطبعا مايحتاج اقولكم شصار 😂

شفيكم مجرد نقاش بسيط🥹!!!

يوم الجمعه
بعد صلاة الجمعه كنت راجع للبيت قابلت فهد
فهد يصير عمي
قالي بتجي عصر ولا لا ؟ قلت وين اجي؟ "مخي كان ضارب وقتها "
قال ياليل الاستغباء حقك قلت فهد ترى بفصل عليك ماني ناقصك اخلص علي قام قالي المخيم !! قلت اها على خير

هم طلعت نيتهم من العصر لين الصبححح

راحوا كلهم عصر وانا ببيتنا اهوجس واشرب قهوه
جاتني ايميلي قالت فهد بقولك شيء بخاطري

"طبعا ماقالت كذا بالمعنى الحرفي لانها للحين ماوصلت لطلاقه كلامنا ولكن انا اشرح لكم بشكل ابسط"

المهم قلت لها خليه بخاطرك
وعصبت واخذت القهوه مني لانها مسويتها

انا حرفيا خلاصصص كنت تكه وبنفجر
وخذلك كبيت قهوتها كلها
وكانت منصوفه اصلا
تحسب بموت على قهوتها مثلا ! صدقت نفسها تتحكم فيني وهي مجرد خادمة مساعدة لا اكثررررر
الشرهه علي يوم عطيتها وجهه😐