يوميات مراهق بدون الألف🖕🏻

عيد❤️

اهلااا اهلا
كيف العيد ؟
عني انا بططططططلللللللل

كانت اول وناسه فيه برجعتي لسعودية
كنت تكه وابكي لو ما امداني اعيد بالسعودية 😂
وعاد تجيني ضيقه لو تذكرت يوم اخوياي وفعالياتهم وكشختهم وما اشوفففففهم بالواقع!!! ببكي وبيسو ما اعايده فيس تو فيس! صياحح

المهم عدت ورجعت السعودية

طبعًا مافييييي وقت مافييييي وقت
عندنا لازم نصور لبسنا التجهيز بالليل
ولازم اطرطع
ولازم اروح اصرف فلوس العيديات
ولازم اشتري هدايا العيد
وغير ترويشه العيد المفضللههه
وجلسة التصوير واغنيه عيد

ايوه تخيلوا كل ذا كان لازم اسويه بليله وحده

عاد الطراطيع السنه ذي ماصورت
خلاص اكتفوا بحق السنه اللي طافت شنسوي عاد 😂
والله اذا مو رايق مستحيل اصور زين
كان وقتي ضيق

وجيت لفقره تصوير اغراضي
ولقيت ان ساعه العيد بشقه باسل

هياخذلك عاد

طلعت ساعتي المفضله ولو انها انحلبت
بس اذا شفتها يجيني شعور حلو🤍🤍

وعاد جيت عند الشرقيه
امورها تمام
شريت شرقيتين
بيضاء ووحده كذا على سماوي
بس اخترت البيضاء

وجيت عند العطر
صح اني صورت ديور ولافيرن
ولكن بالواقع ماتعطرت بهم
يااخي مدري الصباح يوم شميتهم ماحبيتهم
العطورات بطلللهه ولكن وقتها ماحبيت اتعطر فيها 😂

تحسبون عاد صورت زين ؟
انا اذا ماكنت رايق ما اصور زين
فعلا الوقت ضيق وبس اعدي وراه

عاد كل مافي الموضوع ان اللي صورته بالصوره مافي شيء منه حقيقي الا الشرقيه والثوب والعمامه
الباقي كنسلته الصباح 😂
يعني غيرت العطر غيرت الساعه غيرت الخاتم

ساعتي اللي بشقه باسل
قمت ارسلت له
بتعيد ساعتي بشقه ماشاءالله
قال شقه مين
"مو انا اللي اعديته بالفهاوه😂"
قلت شقه جدي

اطقطق

قال اها

وبعد وقت جاء سواق لاهل باسل معاه ساعتي واسوي مستغرب وما ادري

وعاد تروشت تضبطت
يعني لبست الملابس الداخليه الاساسيه وسروال سنه وفلينه
والثوب اذا طلعت

وشغلت
عيد السنه عيدين بحساب الارقام❤️‍🔥❤️‍🔥❤️‍🔥

ودخل نايف علي
تحسبون يعيد؟ او مثلا اي شيء كويس؟ لااا
بس جاء يقول لا تجتمع في قلبان
يقصد اغاني وانا حافظ قران
طيب ولدك الثاني مشغل الصوت وصل سابع جار
ولا ماهم مؤمنين ولاهو حافظ ولا كيف يعني!!!

معلينا

جات صلاة العيد

رحت اصلي بالصدفه باسل واهله قابلوا اهلي
وكنا قريب