يوميات مراهق بدون الألف🖕🏻

اه

مساكم الله بالخير

قبل اروح واشنطن

كنت نايم في شقة باسل
صحيت وما حصلته جنبي وجلست اتذكر الليلة الكئيبة امس

انا يوم رجعت من المستشفى بعد ضربه بندر
من رجعني ؟ فيصل !
وطبعا كان بيوديني بيتنا بس انا ما ابي
فـ وصفت له طريق شقتنا انا وباسل
بس ما علمته هذي الشقه لمين وكيف وليش
نزلت بصمت

فـ تخيلوا ان فيصل حفظ مكانها
وبالليلة الماضية انصدمت مين يدق الباب وباسل كان يتروش
وانا بالصالة اتقهوى
فتحت الباب لقيته فيصل
جيت بنصدم بس قلت ليش يافهد تنصدم وهو اللي جابك هنا ذاك اليوم

تنرفزت وقلت اذلف مالك مكان هنا
قام يضحك

قلت كمل ضحكتك بسيارتك
قال وضعك يذكرني بمسلسل اتابعه
قلت طيب كمل مسلسلك ببيتك
قال فيه زوجة تخون زوجها مع حبيبها وجاها بالليل وكانت تحاول تصرفه

انا تجمدت
فوق ما انه يهيني اني الزوجة وانو باسل الزوج وهو الحبيب
انقهرت ومن قبل كان فيني تراكمات
بيدي كان فيه كوب القهوه
كبيته بوجهه وعلى صدرة

وياااااااااا فرحتييييييييي الكوب حار
بس للأسف مو مره يعني حراراته ما تسبب حروق بالجلد

هو انصدم وشهق بقوة
ماتوقع مني ذا التصرف

بس انا زاقه معي
فيصل جته فترة مكتئب
اتذكر قبل سنه ونص او اكثر كنت اكلم فطوم اقولها فيصل ما يطلع ولا يقابل احد ولا يكلمني
ليته جلس مكتئب وش ذنبي انغث

نرجع لبعد ماطشيت القهوة
طالع فيني بنظرة مافهمتها

زعلان؟ مصدوم ؟ وش ذي النظرة

قلت انت أجلس تأمل هنا واذا خلصت اذلف
وسكرت الباب بقوة

وطلع باسل مستعجل من الحمام
قال وش ذا الصفق
قلت اي صفق ؟ "جحده على طول"
قال الباب انضرب بقوة شسالفه ؟

تأففت طفشت
خلاص مليت تبرير تحقيق

وهو كان عريان تمامًا
بس مطلع راسه من الغرفه

قلت خل اشغله بدال ما اجاوب عن سؤالة

قمت قربت قلت شفيك باخل علي بس مطلع راسك وكتفك ياهوووو!
قال جاوبني
سويت نفسي ما اسمع ودخلت الغرفه وعطيته نظرة كامله على جسمه وسكرت الباب ومسكت خصره وبسته

بعد عني وقال مو وقتك
قلت الناس تتمنى مني بوسه وانت كذا تصدني
قال مين الناس ؟
قلت واجد تبيني اعدد لك معجبيني بنات وشباب ، لا تسوى نفسك ماتعرف ناسي اخر مشكله سويتها بسبب غيرتك
قال خلاص عرفت وادري وانا محظوظ فيك بس ما تلاحظ انك ما تاخذني بجديه وتصرفني واجد يعني سألت سوال جاوب على قده
قلت يعني تسوى تعصب عشان كذا
قال ماني معصب وهذي مو اول مره تصير ، يحق لي تفسر لي امور كثير
يعني احسك غامض زيادة عن اللزوم
قلت انا غامض؟ وش باقي ماعرفت
قال يافهد افهمني ابسط شيء مثلًا "جلس يذكر مواقف صارت🔴" بعد قال
تبي اكثر ؟ تمام تكلمني عن نفسك بس عن حياتك لا
يعني يحق لي اعرف طبيعة حياتك
وانت تحاول تتجنب ذا الشيء