يوميات مراهق بدون الألف🖕🏻

عشوائيات

اهلااااااااااا

و أخيرًا فضيت

تخيلوا كان عندي اختبار الاربعاء وتأجل
اسعد انساااااااان
تعرفون بعززززز الضيقه واذاكر الظهر وغبت عن الجامعة من كثر الزنقه بس عشان الحق اذاكر واستغل الصباح
اخرتها ربي افرجها علي وتأجل

عاد الاجازة المطوله الاسبوع اللي طاف
نزلت الجامعة انو ما يشملنا وراح نكمل اختبارات
ما امداني اتنفس
كنت مخطط اروح عمره وكنسلت
عاد شكلي بروح الويكند هذا

تخيلوا بعد مانزلت انو من يوم دعيت ربي اذا فيه ذنب يحول بيبني وبينك وانو من عقبها وانا وباسل ماش

هو شاف الكلام
دايم انسى انه ممكن يخش الوات😊لانه ناددرررر يدخل ونادر يجيب طاري الوات

قام اتصل وانا كنت اذاكر بغرفتي

قام ياخذ ويعطي ويقول شلون يعني سبحان الله انا صرت الذنب الوحيد بحياتك يافهد
وانا احاول اشرح وافهمه ولعل صوتي ارتفع
وفوقها حاطه سبيكر

دخل علي نايف وانا وياه نقول كلام ما ينقال أبدًا
ليته غزل آو مثلًا عتاب حبايب
لااااااا أبدًا كلام ماينقالللللللللللللل
راح انجن كل ما اتذكر انه ممكن سمعنا

يوم دخل علي فجاه على طول شلت سبيكر
قال نايف كأنك اختبصت ؟
قلت انت ليش تدرعم! افرض اني عريان مثلًا
قال فيه غرفه ملابس هنا
قلت لا انا قررت مثلا اجلس جردان واتمشى بالغرفه
قال بسم الله علينا وعلى ارضنا معك جنيه
قلت شدخل الواحد يبي جسمه يتنفس

طبعًا الكلام الغبي اللي اقوله عشان اشتته لو فرضًا سمع شيء قبلها

لكن نايف قافطني

قال انت مسوي جريه دامك قمت تهبد كلام ماله سنع
قلت انت ليش درعمت فيه حاجه ؟
قال ما اصبح عليك يعني

جاني ضحك لا ارادي 😂
هو كان اذا شاف وجهي الصباح يقول واضح اليوم بيكون سيء دام ذي بدايته

الله يعين بس

قال وش يضحك قلت ولا حاجه
فجاه تنكدت ومابي اتكلم وعلى زق يسمع اللي يبي بعد

اخذت ايبادي وملزماتي وجلست عند البلكونه بكمل مذاكره

وهو للحين واقف بالغرفه

وانا مستغرب وترنييييييييي وش يبي

فجاه جاتني رساله من الدكتور اللي راسلني الجمعة وقال نطلع سوا

طبعًا لما طلعت معاه طفشتتتتتتتت وجاب لي ضيقه يكلمني عن نايف وعني
وقالي من اخوياك بالجامعة قلت محد قال بعد الجامعة وش سويت قلت نمت قال بعد ماقمت قلت قمت من السرير
قال قول تفاصيل ليش تختصر
قلت مافي شيء قال طيب