مساء الخير
كلام بالخاطر وانا اذاكر جاء ببالي
للي ناوي يخش طب
عشان تعرف وش قدامك فهد موجود
ولو اني مستوى ثالث بس مايخالف
نجي عند السنه التحضيريه اللي اخذتها اونلاين وكنت نايم بالعسل وماحسيت فيها
حتى اختباراتي كان يحلها لي فيصل😢
المهم مره تجننن وسهله ومهمه تراها تحدد قبولك بالطب
عباره عن اعاده لمواد الثانوي بس باختلاف بسيط وبانجليزي مكثف
والانجليزي ابد لا تحطه عائق
انجليزي الجامعه اكاديمي يختلف عن انك عارف اللغه او لا مو مهم هالشيء
تمشي على القواعد امورك في السليم 👍
وكثير في الشعبه اللي يعرف انجليزي جايب درجات اقل من اللي مايعرف ابددددد
وهذا دليل على انه مشى على القواعد وضبطت اموره
فـ من هذي الناحيه لا تشيل هم
اجتهدت وجبت الدرجه وانقبلت
الففففف مبررووووكككك
نجي للمرحله الثانيه
السنه الثانيه تحضيري لكن مو للقبول
بل هي تحضيري لطب نفسه
تحضر نفسك للقادم
بيكون فيها اساسيات مرههههه مهمه
لكن وقتها انا ما كنت اعرف انها مهمه لدرجه ذي😔 جالس اراجعها اللحين كاني اول مره اخذها
لا تغلط هالغلطة
بتدرس ميكانيكا الجسم والمناعه والعدوى والتشريح ... وغيرها
الايجابي بذي السنه انت عارف انك انقبلت وخلاص
لكن مستوى الصعوبه بيكبر شوي
وللأسف هذي السنه انا درستها حضوري
يعني تخيلوا اول مره اداوم بالجامعه ويكون ثاني سنه على طول وبالكمية هذي وبالجديه اللي شفتها بالدكاتره كانت صعوبه بالنسبه لي تعقدت شوي بس سلكت لاني ما اخذتهم بجديه زي ماقلت حتى الاساسيات المهمه ما ذاكرتهم زين ولا عرفتهم زين
واللحين زي المحترم اراجعهم من جد وجديد
لكن هذا كلامي كان السنه اللي فاتت
وهذي السنه غيرت رايي تماما
السنه اللي فاتت كانت جنه!!! بالنسبه لذي السنه
قلت الايجابي لذيك السنه اما السلبي ان معدلي نقص نقطه
كان مره ممتاز لكن هوس الفل مارك عندي يخليني اشوفه مو حلو
لكن ذي السنه اشوفه حلو من اللي شفته ولكن ودي ارفعه
بس خبرت فطوم امس وقالت مره معدلك واو وقلت اجل مابسوي فـ امها
كنت ابي اخلص الخطه واخذ مواد ثانيه عشان ارفعه
بس قلت بهجد خلاص
اخ ياسنه ثالث
وش اقول وش اخلي فجاءه المواد تضخمت وزادت وبدا ضغط قوي
طبعا بتنقسم قسمين
قسم عملي وقسم نظري
النظري معلومات مكثفه وقعده على الكتاب بالساعات
لكن طبعا مستحيل اقعد بالساعات يخسون مع انه جدًا مهم لسنوات التطبيقيه لانك بتبدا تطبق اللي اخذته نظري
العملي من اسمه عملي
والسنوات التطبيقيه هي اكثر شيء بتقبله لاني ابي اريح خلاص تبدا تخف محاضرات وتبدا تطبق
مع اني وقتها بسب وبقول ماحبيتها لكن تبقى اهون من النظري
هذي السنه جلست اعاني من مادتين بذات بالسمستر ذا
الفارما والباثولوجي
الفارما احفظ ذا انسى ذا وادخل الادويه ببعض والدكتور مستقعد لي يزيدني على مافيني
اما الباثولوجي تجيب لي صداع قوي جدًا حتى لو بس قريتها اصدع
والفارما ماننسى صداع العيون
حاليا اذاكرها واحس عيوني مصدعه وراسي منضغط
اللي احبها الطبيه دكتورها يجنن والماده خفيفه جدًا بالنسبه لي والحمدلله
السنه هذي لو عديتها وانا سليم بسجد شكر
بكرا الفارما علي اختبار فيها
وان شاءالله اعديها
راضي يكون عندي ثلاث اغلاط بس اكثر لااااااا معليش الوضع مايسمح
مابي معدلي ينقصص
مع انه مابيأثر مره بس ولو
شيء غريب اول مره اتكلم عن الجامعه بهذا الشكل دايم مختصر اموري فيها
لكن ادور اللي يشغلني
أنت تقرأ
يوميات مراهق بدون الألف🖕🏻
De Todoفهد نايف ✨ المشهور ✨ توقع كل شيء مني في يومياتي اللي مو كل يوم وقبل تسال كل صوره هنا ترجع لي والغلاف صورتي بعد وسلامتك عشان اتفادى هالسوال ونكون حلوين
