يوميات مراهق بدون الألف🖕🏻

ولا حاجة

عندي سالفة بنت كلب ابغى اقولها بس تحتاج شرررح وانا مالي خلق اشرح
ابيكم تعرفون السالفة اسقاط نجمي عشان بعدها اقول تعليقاتي على الموضوع واتفلسف

وروايتي الضيم برضو متكاسل فيها عشان ايش؟ ابي تعرفون السالفة باختصار بعدها ابدا باحداثي المهمة بس برضو مو عارف اختصر لان ضروري نرتب الاحداث 😞ياحياة الشقى

وعندي ميد الاربعاء وبعده ميد الاثنين الجاي وبعده فاينل
كتمة كتمة 😵‍💫😵‍💫😵‍💫

ابي اطلع افطر من امس خاطري افطر مع احد ! طلبي صعب ولا وش؟؟؟

متخاصم مع ميشو واياد ومسوين رهان
ومشاري اصلا بعيد عن الرهان نفسيته تعبانه لان ابوه توفى قبل كم شهر واحاول اطلعه من اللي فيه
بس مايتقبل
وسامي بالعسل مع سعود
وماجد بعالم موازي صاير عنده مصيبة ومسوي تحديد للكل ومقاطع الجميع
وباسل ينام ويقول مالي نفس

امس تخيلوا
هو مضغوط وزاقة معه وصار نقاش بينا وبعدها قال بنام وانا قلت افطر معاي وقال لا 😊شدعوه مازعلت
المهم تراضينا بالاخير ورحت اصلي الفجر بعد ماجبت راسه وقلت اني كنت بنام بحضنك بس يلا
ورجعت لقيته مصور يقول رايح الشقه تجي يامعشوقي ؟
خفيف هههههه
تحسبوني خفيف زيه؟ ايوه خفيف صح عليكم
رحت له
بس قبلها جبت فطور

ياذا الفطور حقي صامل احد يفطر معاي بعد مو لحالي
والله اني مو حق فطور بس مسكت معي افطر
واليوم شكلها بتمسك بعد

المهم جيته وقلت افطر قال مالي نفس بنام
وجلست احايله قال بطالعك وانت اكل
وانا اصنم ، يعني وش المفروض اسوي ، تخيل تاكل وواحد يتامل
يع وش ذا الحركات
قلت روح نام اصرف لك
وبعدها قال خلاص اكلني
تحسبوني سمعت كلامه؟ ايوه صح سمعت كلامه
وجلست القمه كم لقمة وسلك لي بكم لقمة

هو جاي عشان انام معاه وانا جاي لاني شفته راح الشقه قلت يعني متنشط كنت ناويها سهاري ونتكي وكذا
كلن على همه سرا

رحت اسوي لي قهوه واهوجس
وبعدها نمت

يوم صحيت مالقيته واحس بدوخة والناس وين وانا وين وفجاه سمعت اذان وطلع اذان العصر
ياراسي يالصددداااع
وادور بالشقة
الولد مختفي تمامًا

قمت دقيت عليه
وطلع اخوه البزر ماخذ سيارة اخوه اللي اكبر منه وهاج فيها الرياض وصدم حادث
ياحياه الشقى هههههههههههههههههههههه
عاد راح الرياض هو واخوه صاحب السيارة

اخوه البزر ذا
ثالث ثانوي !!! فيه طاقة مجنونه ومرجوج
عكس باسل واخوانه الباقين والسبب انه من الحرمة الثانيه وهو وحيدها وتوفت يوم ولدت فيه وعاد ابو باسل وام باسل دلعوووووووههههه وطاروا فيه بالعجه بزياده صار متمرد من وجهه نظري ! مو طبيعي
تعرفون اللي يغلط مليون مره ويدري انه راح يمشون له ؟ بس الى هنا وبس
وباسل متحلف فيه يقول مره زودها
انا قاط مع اخوان باسل وقاعد ادعي ان ابو باسل يفصلللللل عليه
مستفز وربي
هم يحبونه ويمشون له كثير بس كل شيء له حدود

المهم بعد ماقفلت من مكالمته

رحت اتقهوى

وتعرفون اللي يمشي اليوم وانا مدري شقاعد اسوي
من زمان عن ذا الاحساس
كنت مار بفتره يادوب اتنفس

بس بيجيني جلد الاسابيع الجاية
يارببب تعدي على خير
الله يسعد اللي يقول امينننننن

تقهووا 🤍🤍🤍

"أنا ممتن لـ سنيني و أحب دروسها فيني
‏إذا هي ضربّه ماتقتل .. أكيد إنها تقويني" وسلامتكم