يوميات مراهق بدون الألف🖕🏻

اسبوع عسل

مساء الاجواء اللححححلووه
محد فقدني هالمره؟
مالت

المهم رحت اقضي اجازتي مع فتنتي

وجهتنا الاولى كانت الشرقيه لاننا معزومين فـ بنحضر
وبينا وبين الشرقيه ١٠ الى ١٣ ساعه بالسيارة

المهم انا كنت ابي نروح طياره
لان هذا الطبيعي ! مافكرت بموضوع السياره أبدًا
صدمني بيسو الا ويبي نروح سيارة

قلنا بس خلاص نسوي قرعه واللي بيفوز يمشي كلامه بما اننا الاثنين بالقوه نخضع لبعض

فاز هو 😔 تنرفزت انا ويني ووين السيارة! نصصص يوم بيروح واحنا نمشي!!!!
يقولي نجلس مع بعض اكثر بالسياره ومدري ايش

توكلنا على الله
مرينا محطه اخذنا الاحتياطيات وغير كذا جبت ثلاجه قهوه وثلاجه شاهي
باختصار العزبه كلها جبتها

مشينا عشرة الصباح او تسعه

وياربييي يالوقت بطيء بطيء
اطالع ساعه السيارة ماتغيرت سنه! والحمدلله الذي انجانا مابغينا نوصلللل
وصلنا الخبر خشينا الاوتيل الساعه عشر وحاجه بالليل

مدري انام ولا اخذ شاور ولا اكل

ادركت اني لازم اسويها كلها
بينما باسل يدخل الشناط مع العامل
رحت اخذت شاور سريع جدًا
طلعت قلت اطلب اكل خربوطي

اكل خربوطي يعني شيء عادي مو ذاك الزود لان اصلا ودنا ننام اكثر من اننا جوعانين

الطلب تاخر ساعه كامله بضبط وفي ذي الساعه رحت انام
ارتاح بعد ما اخذت بنادول

جاء الاكل والحمدلله اكلت

اليوم الثاني كانت العزيمه بس طبعا فهد صاحي من اربعه الفجر مانمت
يعني بعد ما اكلت نمت ثلاث ساعات بس وقمت اربعه

وجلست لين صليت
وفج النور وخلص
رحت احارش بيسو خل يصحى معي ! غش انا لحالي

قال اخذ دش وننزل نفطر قلت تم

ورحنا افطرنا وبعدها تمشيت بالشرقيه
طبعا الشرقيه ولا غلطه🤍🤍 حتى الناس اللي فيها راقين وكل شيء مثالي بشكل مُلفت

المهم جاء العصر رجعنا الاوتيل
عشان نتجهز بعد المغرب بنحرك على القاعه
ورحنا والحمدلله عزيمه خفيفه حلوه لكن الشيء الغثيث

طلعنا لقينا سيارة باسل كلها زق حمام من الاخر 😐
الزجاج الامامي والخلفي وبالجوانب غير من فوق معدومه
باسل يحب سيارته اكثر مني حتى جلست احاول اواسيه يعني بالنهايه مايرضى عليها
لكن ماش الا سيارته عاد

الغريب بالموضوع سيارات الحضور الباقين مافيها شيء!
غريبي قسم بالله ولا حتى نقطه ابد ابد تلق بس سيارتنا

غسلناها ورجعنا نرتاح لان بنروح بعدها قطر
وبعد بسيارة اكيد هو فاز
بس اهون المسافه ٤٠٠ كيلو بسس
مشينا الظهر وصلنا عصر الحمدلله
والمنفذ كان فاضي قدرنا نخلص الجمارك والإجراءات بسرعه

مايحتاج امدح قطر عاد
بس تصدقون محد يجي زينا الصراحه 🇸🇦
المهم رحت تغديت وتمشينا
وكان روتينا اصلا نصحى الصباح نفطر تحت ونطلع من الاوتيل ومانرجع الا تسعه الليل ننام
وعلى ذا الحال

صورت بقطر بس صوري عاديه ماصورت تصويري الفخم المعروف طبعا

التصوير الحلو هالمره خليته لي انا وبيسو ذكريات
اسف لكم احرمكم من التغذيه البصريه 😂

صار لي مواقف حلوه تستحق الذكر بس مالي خلق اقول

تمسون على خير