يوميات مراهق بدون الألف🖕🏻

وبعدين؟

جامعتي اللي مافيها ولا اجابيه
فيها عميد الله حسيبه على النشبه اللي نشبها لي
يبغاني اغير قصه شعري معقوله وصل فيه الفراغ كذا؟ يعني احسب قفلنا السالفه بس طلعت انا اللي قفلتها لحالي
وطبعًا مو بس العميد عندي دكتور انشب من العميد يقول اجلس قدام ومو اي مكان! قدامه بضبط
ليش؟ يقول احسك ورا ماتركز معي وماتشوف
عسى ماشر!!! المهم كنت اعانده
لين الاسبوع ذا دخلت وهو قد جاء فأشر لي على الكرسي اللي قدام وقال تفضل قلت خل اسكت دامي متاخر مالي وجهه
وطول الشرح طبعًا من بدايه السمستر وهو اذا شرح بس يطالع فيني انا

وقلت لنايف من باب السوالف قال تدري شاللي يضحك؟ قلت وش قال تحسب نفسك محور الكون يالله بس

نعمممم؟ ليتني ماهرجتك حسبي الله شكله يحسبني اخترع سوالف اني اوه محط الانظار
هو انا فعلًا محط الانظار🫡ههههههههههههههههههههههههههههههههههههههههههههههههههههه لا شدعوه فهد والله محد درا عني

واي قاطعين المكافاه عني يااخي مصروفي دبل المكافاه يحسبني بهتم
الصراحه انا ماقد صرفتها كنت اخشها اقول اذا تخرجت كم بيطلع معي ماحسب ابي اعرف مستقبلًا اعدهمم
مخي تجاري

وعندي ارض عرضتها للبيع ولا بعد من قوه مخي التجاري كانت تسوى ٨٠٠ الف خليتها لين صكت ثلاثه مليون وشيء 🫶 يالبى التجاره ماودي امدح اللي عطاني الارض بس
اصلا غصب ابسططط شيء ممكن يسويه من اللي جاني منه

كنت ناسيها لين جاني واحد يبيها وحسيت مسؤول وكذا وفكرت هل ابيع ولا بكون تسرعت؟ اشوفني مو قد المبلغ اللي بيجي شسوي فيه

استشرت نايف قال مالي شغل واو اب بطللل

طلعت مع شخص
واسوء شيء الطلعه فيها شعور كانك طالع مع الاكس او ممكن هو الاكس
مدري !!!
ياكل زق

المهم طلعنا تمشينا وتقهوينا وقفت بصور واعوذ بالله وترني صورت صوره سريعه مره ما امداني اركز
قالي ارفع شعرك فهدي لانه كان نازل شوي نزلت جوالي بعد مالقطت الصوره

قلت تبينا نطلع السياره نفرفر بعدها نرجع
ضحك وقال اطلق اصقه

كنت ناوي افصل عليه بس شيء داخلي يقول سلك له لان شبهه مكتئب بس يااخي يبقى حلو اذا تصرف كذا

ركبنا السياره وقلت مر المكان الفلاني كان واحد موصيني "من زملاء الجامعه" وطلع مهديني
وانا وياه بينا شبه صداقه او اعجاب طبعا انا محد يعجبني خصوصا اذا نشب زي ذا هو اللي معجب
هذا اللي فهمته من تصرفاته
المهم اهداني وكتب كلام ركبت السياره وصورت لانه كان يطالع مندبل وكان شوي تطلع عيونه معصب وانا اسوي نفسي مدري
عشقييي الاستغباء

جلس يتفلسف علي واني صاير اعطي الكل وجهه؟ عفوًا من انت ياخوي؟

المهم انا كنت مسوي ميوت لكلامه واطالعه
جبهته المعقوده نهايه حواجبه المرسومه عيونه الحلوه حده فكه شفايفه
فتنه✨

بس يعني اكيد مابينت
وبعدها نزلت من عنده وتناقشنا بالشارع لين قلنا بس

واكيد مشيت كلامي ولا رحت معاه

المهم كل ذا صار الليل يوم جينا لبكره
جت جمعه في بيت الشايب
قابلته وكانوا جايين عيال اخو الشايب
يعني عيال اخوه جايين عازمهم يغير جوهم وكذا
فـ قابلت الاكس الثاني
وصاروا اكسين بس برضو مسوي سكب خصوصا لثاني لان ما اعتبره شيء

برغم النظرات اللي جتني من الاثنين مسوي مو منتبه

بعدها داومت بالجامعه وخذلك صاحبي
هو الوحيد اصلًا قام يسولف لي وانا مو يمه فيني لخبطه

طلعت من الجامعه وقابلت علاجي✨
قام يقول اني ساحب ومايصير بالعلاج تقطع وترجع بكيفك وانا مو صاحبك متى مابغيت تفضفض جيت هذا شيء تلتزم فيه لين احسك كويس وانت بنفسك بتحس ماتحتاج قلت ايوه انا مااحتاج عشان كذا قطعت قال وليش جاي هذا ان دل فهو دل انك للحين لكن انت سحبت علي قلت اعترف اني وحشتك
طبعا سحب كلامه انه مو صاحبي
هو صار صاحبي ودكتوري🫶 على ما اظن

وسولفنا ابو اربعين دقيقه وطلعت من عنده

وافف حياتي دراسيا وعاطفيا ونفسيا والخخ متعطله

بس اليوم من يوم صحيت وانا الحمدلله مفتوحه نفسي صار موقف قبل انام وسع خاطري وريح صدري