كلللل عام وانتم بخير
يحتاج اقول انه كان عيد حافلللللللللل ولا لا 🤣؟
على العموم قبل بكمل سالفتي اللي حابسها من فتره بعدها بنزل بارت العيد
محد اشتاق لي ؟
طيب محد مهتم يعرف باقي السالفة ؟
عادي حتى لو مو مهتمين انا رجعت عشان اقولها
باختصار للقصة قبل اكملها
لان متاكد نسيتوا
قامت تغريد زوجة نايف تصارخ بعد ما سمعت نايف قالها طالق
وبعدها فجرت فيني انا مع اني مالي شغل بس هي تقول انت السبب
وبعدها جاء بندر وتهاوشنا وجدتي رمتني بفازه وباسل جاء بالوقت الغلط ورحت معاه ووداني المستشفى يسوون غرزه للجرح
بعدها كان يبي يبوسني او ممكن كان يبي اكثر من مُجرد بوسه بعد
وانا مزاجي مو سامح لي
فـ قلت لازم ابعد واخذ راحه وبنفس الوقت اراضي باسل لاني مبعد عنه من فتره
يوم رحنا الكرفان وقلت لكم كان يوم ممتع
ولكن صحيت على صدمه
توقعوا من دق باب الكرفان وصحاني ؟؟؟
انا مصدوم للحين
راح ابدا اسرد السالفه بتسلسل
بعد ليلة وسهرة مُتعبه وحلوه
تعرفون التعب الحلو ؟ هذا هو
الصباح سمعت دق باب قووووي وصحيت مفجوع
وباسل تحرك للجه الثانية ولا همه دق الباب!
دفيته ونزلت وطالعت مع الشباك لان ماني متوقع اي احد يجينا أبدًا !
حتى الغُرباء ما يجون مكانا لانه في مكان خالي نوعًا ما
مدري هل انا قد ذكرت مدينتي ولا لا😂
اتوقع اني قد زمان فجرتها وذكرت قبيلتي بعد
على العموم
مدينتي مُحاطة بجبال وعرة وغابات وشوي اودية
والمدينة الاساسية بنص
فـ اقدر اتقنص اماكن خالية
المهم جتني دوخه يوم شفت وجه جدي !
وش يبي يدق الباب علينا! وكيف عرف ؟ وليش جاي ؟
رحت غسلت وجهي عشان استوعب
ورجعت طالعت
كان واقف !
وقعدت افكر كيف عرف مكاني وليش جاي ؟ وش ذا العايلة النشبة
جلس باسل وقال شفيك ؟ مين يدق ؟
قلت اسكت
قال بدال ما تسكتني جاوب
قلت جدي برا ، ارتحت يا وجه النكبه
استغربت الوضع صمت برا ! رجعت طالعت وللحين موجود
اخذت ثلاجه القهوة وصبيت فنجال وجلست اتقهوى
قال باسل ،جدك برا وانت مطنشه وتتقهوى
قلت عمرك ما راح تفهم شيء فـ لا تحكم وتتفلسف
قال مايصير ، مصيرك بتطلع له واضح انه متاكد انك هنا ولا وش ذا الدق والدرعمه
قلت انتظر رساله من شخص ابي اتاكد من معلومة مُعينة عشان اقدر اطلع
بس محتار اذا طلعت هل اسكت ولا أفجر فيه؟
قال اصبر وش رسالة ، اجل انت جبت جوالك ؟
قلت لا ، اراسل بجوالك
قال طيب فجر فيه ابي اشوفك منفعل دايم بااارد وحتى هوشتك مع بندر كنت هادي جدًا
قلت حسبي الله بدال ما تقول ابعد عن المشاكل خايف عليك
تقول روح عشان اشوفك منفعل؟
قال يعني هذا اللي بخاطري وصارحتك
أنت تقرأ
يوميات مراهق بدون الألف🖕🏻
Randomفهد نايف ✨ المشهور ✨ توقع كل شيء مني في يومياتي اللي مو كل يوم وقبل تسال كل صوره هنا ترجع لي والغلاف صورتي بعد وسلامتك عشان اتفادى هالسوال ونكون حلوين
