We're Ex-boyfriends [Edited Version]

ဇာတ်သိမ်းပိုင်း

ကင်မ်ထယ်တို့တော့ ပြသနာကြီးကြီးတက်တဲ့ကာလကိုရောက်လာခဲ့ပြီ။အထက်တန်းနောက်ဆုံးနှစ်ရဲ့ Final Exam ကြီးကသိပ်ကြောက်ဖို့ကောင်းတာပါပဲ။ကြောက်ဖို့ကောင်းလွန်းလို့ ဂျောင်ဂုကီရင်ခွင်ထဲမှာပဲတစ်သက်လုံးပုန်းလို့နေလိုက်ချင်။

တစ်နှစ်ပတ်လုံးအလေလိုက်နေတဲ့ သူတို့သူငယ်ချင်းသုံးယောက်အဖို့တော့ မျောက်မီးခဲခုထိုင်မိသလို ပျာယာခတ်နေရတဲ့အချိန်တွေရယ်ပါ။
ဒါပေမယ့် ကင်မ်ထယ်ကသူများတွေလို ရည်းစားမရှိတဲ့ထာဝရ Infinity နဲ့ FAမှမဟုတ်ပါဘဲ။
သူ့မှာရုပ်လည်းချော။ Bodyလည်းတောင့် ။ ဟင်းချက်ကလည်းတော်။ ငွေလည်းလျှံ။ အုကြီးကြီးနဲ့
ဉာဏ်လည်း ပိုးစိုးပက်စက်ကောင်းတဲ့ ကောင်လေးရှိတယ်။

​လေတစ်ခုတည်းကအောက်ဆီဂျင်ကိုရှူနေရတာချင်းတူပေမယ့်ကုသိုလ်ကံချင်းကမတူပါ။ရည်းစားရှိတာချင်းတူနေအုံးတော့ မင်ယွန်းဂီနဲ့ပတ်ဂျီမင်းကိုပဲကြည့်။
ဟော.. အခုလို စာမေးပွဲရှိတဲ့အချိန်ကျ နှစ်ယောက်လုံး သူမသာ ကိုယ်အသုဘ။
နှစ်ယောက်လုံးက သုံးစားမရ ကုန်းကွကွ။

ကင်မ်ထယ်ဆို ဘယ်လောက်ကောင်း။ ဘေးကနေ နားမဝင်မချင်း စာရှင်းပြမယ့်ကောင်ချောချောလေးလည်းရှိတယ်။ မောရင်အာဘွားပေးမယ့်ကောင်လေးမျိုး။ ညောင်းရင်ကိုယ်ဖိရင်ဖိနှိပ်ပေးမယ့်ကောင်လေးမျိုးရှိနေတော့ လောကကြီးကဘေးမသန်းအေးချမ်း။

"ဘေဘေးကကွာ.. Newton ရဲ့ Law တွေထဲရယ်စရာပါလို့လား"

ရူပဗေဒ Defination တွေပြန်မှတ်နေရတဲ့ ကင်မ်ထယ်ဟာ ကျေနပ်ပြုံးကြီးနဲ့ သူ့ကောင်လေးကို လှမ်းကြည့်လိုက်တယ်။
မောင့်အကြောင်းတွေးနေတာလို့ပြောလိုက်ရင် ဂျွန်ဂျောင်ဂုကြီးတစ်ယောက်အပျော်လွန်ပြီးနှလုံးရပ်သွားမှာစိုးလို့ မပြောတော့ပါဘူးလေ။

"ဟော.. ကဲ စာလည်းမရသေးဘဲမောင့်ကိုပဲကြည့်မနေနဲ့ကွာ"

"ဘယ်သူကမရဘူးလို့ပြောလဲ ဟွန်း.. ငါအကုန်ရတယ် မတွက်တတ်သေးတာပဲရှိတာ"

"အဲ့တာဆို ဆိုစမ်းပါအုံးမောင့်ကောင်လေးရယ် Newton ရဲ့ Law လေးတွေ"

ကင်မ်ထယ်က မျက်လုံးလေးတောင်ကြည့်မြောက်ကြည့်နဲ့ Marker pen လေးကို လက်သွယ်သွယ်လေးတွေနဲ့ဆက်လှည့်နေတယ်။
ဂျောင်ဂုကို မျက်လုံးလေးလှန်ကြည့်ရင်း ရုပ်ကလေးက သနားကမား။ နယူတန်ရဲ့လောတွေကဒီလောက်များတာ သူချက်ချင်းကြီးဘယ်လိုမှတ်နိုင်မှာလဲ။
အဲ့ဒီနယူတန်ဟာလေတော်တော် လေရှောပြီး လောရှည်တဲ့ပုဂ္ဂိုလ်ပါပဲ။