Unicode~
"မကြာခင် ဂျုံစိုက်ချိန်ရောက်တော့မှာပေါ့"
"အင်း.. ဒါပေါ့"
လယ်တောတဲလေးက သူတို့နှစ်ယောက်အတွက် ဖူလုံပါရဲ့။ Jeon JungKook က အိမ်ကယူလာတဲ့ ဆန်းဒ်ဝှစ်ချ်ကို စားနေခဲ့ပြီး Taehyungကတော့ ငြိမ်ငြိမ်ထိုင်လျက်သာ အဝေးသို့ ငေးစိုက်ကြည့်လို့။
"ငါတော့ ဂျုံမစိုက်ချင်ပါဘူး.."
ထိုအထူးအဆန်းစကားကြောင့် Taehyungဘက်ကို လှည့်ကြည့်လိုက်သည်။ ဘေးတိုက်အနေအထားမှာ သခင့်၏ နှာတံစင်းစင်း၊ ပန်းနုရောင်နှုတ်ခမ်းပါး တစ်ဖက်တည်းရှိတဲ့ မျက်ရစ် စသည်တို့ကို အသေးစိတ်မြင်နေရလျှင် သူ့ရင်ခုန်သံများဟာ နှေးချည်မြန်ချည်ဖြင့် ပုံမမှန်တော့။
"ဂျုံမစိုက်ချင်ရင် ခင်ဗျားက ဘာစိုက်ချင်လို့လဲ"
"မှတ်မိတယ်မလား။ ငါမင်းကို စိုက်ခိုင်းခဲ့တဲ့ အိုင်းရစ်ပန်းတွေလေ။ ဒီဂျုံခင်းကြီးကို ငါက အိုင်းရစ်ပန်းခင်းပြောင်းလိုက်မှာ"
Taehyung ပြောသည့်အတိုင်း ဧကများစွာရှိသော အိုင်းရစ်ပန်းခင်းကြီးကို သူ့မျက်လုံးထဲ ပုံဖော်ကြည့်မိသည်။
သိပ်လှတာပဲ..။ သာမာန်လယ်ကွက်လေးကနေ နိဗ္ဗာန်ဘုံတစ်ခုအသွင် ပြောင်းသွားသည့်အတိုင်း။
ထိုပန်းခင်းကြီး၏ ပိုင်ရှင်သာ သခင်ဖြစ်နေခဲ့လျှင် ပိုသာ၍ လှလိမ့်မည်။
သခင့်အလှတရားအရှိန်အဝါက ဤမျှ ကြီးမားပါ၏။
"အရမ်းလှမှာပဲ"
"အင်း...ငါသေရင် အဲ့လိုနေရာမှာ သေချင်တယ် အဟွတ် အဟွတ်"
"ရုတ်တရက်ကြီး ဘာလို့ သေစကားပြောနေရတာလဲ.. ချောင်းကလည်းဆိုးနေပြန်ပြီ မနက်ခင်းက ဆေးမသောက်ခဲ့ဘူးလား"
"တကယ်ပြောနေတာ။ ငါသေရင် သင်္ချိုင်းမှာမနေချင်ဘူး။ ဒီလိုလှတဲ့နေရာမှာပဲ ငါ့ကို ထားပေးမယ်မလား"
"တော်တော့... ခင်ဗျားက ဘာလို့သေရမှာလဲ။ ကျုပ်ကရော ဘာလို့ကျန်နေခဲ့ရမှာလဲ။ နိမိတ်မရှိနမာမရှိတွေ ထပ်မပြောနဲ့တော့"
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
