Unicode~
၂၀၂၂ခုနစ် ဒီဇင်ဘာလ။
ပိုလန်နိုင်ငံ၊ Auschwitz နာဇီအကျဥ်းစခန်း ပြတိုက်။
ရာသီဥတုက ခိုက်ခိုက်တုန်အောင်ချမ်းစေသည်။ ကင်မရာကို ကိုင်ထားသော သူ့လက်များက နီရဲထုံကျဥ်လို့နေသည်။
နွေးထွေးလိုနွေးထွေးငြား လက်နှစ်ဖက်ကြား လေပူမှုတ်ထုတ်လိုက်သည်။
မနက်စောစော Krakowမြို့မှ ထွက်လာခဲ့ရ၍ သူအိပ်ရေးမဝချင်။ ဆောင်းတွင်းဖြစ်သည့်အပြင် ညနက်အထိ စာတမ်းပြုစုနေရင်းက တော်တော်နှင့်မအိပ်ဖြစ်ခဲ့သည့်အတွက် သမ်းဝေချင်နေတာ မဆန်းပါလေ။
Auschwitzကို ကိုယ်တိုင်လာရသည့်ခံစားချက်က ဘယ်လိုလဲဟု မေးလာလျှင် 'မွှန်းကြပ်မှု'ဟုသာ ခေါင်းစဥ်တပ်လိမ့်မည်။
Auschwitzက နာဇီအကျဥ်းစခန်းများစွာထဲမှ နာမည်အကြီးဆုံး သမိုင်းဝင်နေရာ၊ ဆိုးယုတ်မှုများ၏ ဗဟိုချက်ဟုပင် တင်စားလို့ရသည်။
သန်းပေါင်းများစွာသော ဂျူးလူမျိုးများသည် ဤနေရာမှာ အသက်ကိုစတေးခဲ့ကြသည်။
Auschwitzသို့ ဝင်ဝင်ချင်းမှာ တွေ့ရသည့် စာတန်းက 'ARBEIT MACHT FREI' ဟူသည့် ဂျာမန်စကားလုံးများ။ အင်္ဂလိပ်လို 'Work makes free' တဲ့လေ။ အလုပ်လုပ်ရင် လွတ်လပ်မည်ဟု ဆိုလိုသည်။ သို့သော် မည်သည့်ဂျူးလူမျိုးမှ မလွတ်မြောက်ခဲ့ကြောင်း၊ သည်စာတန်းဟာလည်း ဘယ်တုန်းကမှမတည်ခဲ့သည့် ကတိစကားသာဖြစ်ကြောင်း စာအုပ်စာတမ်းများမှတစ်ဆင့် သူလေ့လာခဲ့ပြီးဖြစ်သည်။
ရှေးဟောင်းသုတေသနပါရဂူဘွဲ့ကို ကြိုးစားနေသူတစ်ယောက်အနေနှင့် ထိုက်သင့်သလောက်တော့ သည်နေရာအကြောင်းကို သိထားပြီးလျက်သား။
ဘာကြောင့်များ တကူးတက ကိုယ်တိုင်လာချင်ခဲ့တာပါလိမ့်။
Auschwitz ခေါ်သံတွေကို သူကြားနေရသလို၊ မမြင်ရတဲ့ဆွဲဆောင်မှုများက သူ့ကိုဖမ်းစားနေခဲ့သောကြောင့် ဖြစ်လိမ့်မည်။
ဂျူးများစွာကို ဓါတ်ငွေ့ပေး၍ သတ်ခဲ့သောနေရာ၊ ဂျူးအကျဥ်းသားတို့၏ အိပ်ဆောင်.. တစ်နေရာချင်းစီက သူ့ကို အသက်ရှူရခက်စေသည်။
သည်နေရာက အဖြစ်အပျက်များဟာလည်း သူ့မျက်စိရှေ့များ ဖြစ်ခဲ့သလို.. သူဟာ သူမသိတဲ့မြင်ကွင်းများအား မြင်ယောင်မိနေ၏။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
