Unicode~
Kim Taehyungက သူ့ကို မသေသေအောင် ညှဥ်းပန်းနေသလားလို့ ထင်ရသည်။
သူ့ဒူးခေါင်းတွေက ပျော့ခွေနေပြီး နောက်ထပ်ခြေတစ်လှမ်းလှမ်းတာနဲ့ ယိုင်လဲကျလိမ့်မည်ဟု ထင်ရသည်။ သို့သော် သူဟာ ထိုကားနောက်ကို ပြေးလိုက်နေရဆဲ။
တကယ်တမ်းနောက်ဆုံးရောက်လာသည့်နေရာက ပျော်ပွဲစားရုံတစ်ခု။ သူ့ကိုပြေးစေချင်လို့ တမင်မဝေးဝေးအောင်ပတ်လာတာတော့ မဟုတ်ဘူးမလား။
"လိုက်လာသားပဲ.. အဲ့မှာ ရပ်စောင့်နေ"
ပျော်ပွဲစားရုံဆိုသည့်နေရာကို သူရောက်ဖူးလာသည်။ Kim Taehyungက ခပ်လှမ်းလှမ်းမှာ Millieနဲ့ နေ့လည်စာစားနေချိန် သူကတော့ သည်နေရာမှာ ကျောက်ရုပ်လို ရပ်နေရသည်။
အကြာကြီး ပြေးလာရသည့်အရှိန်ကြောင့် ခြေနှစ်ချောင်းမှာ တုန်ရီလို့နေသည်။ တစ်နေရာရာမှာ ထိုင်ခွင့်ရလျှင် မည်မျှကောင်းလိမ့်မည်နည်း။
"Jeon JungKook.. ဒီကိုလာ"
ဘုရားစူး ကိုယ်ဟာ Kim Taehyung၏ခေါ်သံကို မကြားချင်တော့။ သူခေါ်လျှင် ကိုယ့်ကို တစ်နည်းနည်းဖြင့်နှိပ်စက်တော့မည်ဟုသာ ထင်မိနေတော့သည်။
"ဘာမှမစားရသေးဘူးမလား။ ဟိုထောင့်က ခုံမှာ ဒါသွားစားချည်"
အညိုရောင်ပေါင်မုန့်ကို ထောပတ်သုတ်ထားခြင်းဖြစ်သည်။ Kim Taehyungတို့စားနေသည့် အစားအသောက်များနှင့်တော့ အကွာကြီးကွာပေမယ့် Auschwitzက ပေါင်မုန့်ကြမ်းတွေထက်စာရင်တော့ အများကြီးကောင်းမွန်ပါ၏။
သည်လိုအချိန်မှာ မူချင်ရင်တောင် မမူနိုင်ပါ..ဗိုက်ကအတော်ဆာနေပြီဖြစ်သည်။
JungKook ပေါင်မုန့်ပန်းကန်ကို ယူပြီး ထောင့်ခုံလေးဆီသွားတော့..
"Kimကလည်း ဒီလူကို ဘာလို့ သွားကျွေးနေတာလဲ။ ဒါ သူ့နေရာလည်းမဟုတ်ဘဲ ခေါ်လာပေးတာတင် သူကံကောင်းနေပြီ"
"သူ ကိုယ့်အိမ်ရောက်ကတည်းက ဘာမှမစားရသေးဘူး Millie"
အကြောတင်းတင်းနဲ့ ထိုလူသားက ကျွန်တော်နဲ့ မျက်စောင်းထိုးနေရာက အမှောင်ကျကျစားပွဲမှာ တစ်ယောက်တည်းထိုင်နေ၏။
ပြာညှို့ညှို့မျက်လုံးတွေက မိုင်ချီပြေးခဲ့ရသည့်တိုင် မာန်မကျသွား။
ဂျစ်ကန်ကန်နဲ့ အလွယ်တကူအမိန့်မနာခံတဲ့ Jeon JungKookလိုလူကို သူကလည်း အပိုးမကျိုးကျိုးအောင် ချိုးလိုက်ချင်တာ။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
