Unicode~
"မောင်! ပြန်လာပြီလား။ ငါမင်းကို မျှော်နေတာ"
"ဘာလို့ ပြေးလာတာလဲ။ ကျုပ် အိမ်ထဲဝင်လာမှာပဲကို"
အိမ်အဝကနေ ခြံအဝထိ ပြေးလာရသည်ကိုပင် ဟောဟောဟဲဟဲဖြစ်နေသော Kim Taehyungအား ကရုဏာဒေါသောနဲ့ ပြောလိုက်သည်က စကားအနည်းငယ်မာသွားလောက်သည်။
ဒါကိုပင် Kim Taehyungက မိုးပြိုတော့မလိုမျက်နှာဖြစ်ပြနေသည်ကြောင့် သူ့ရင်ထဲ မကောင်းလှတော့။
"ကျုပ်က ခင်ဗျားအတွက် ပြောတာပါ"
"ငါနားလည်ပါတယ်။ အခုဆေးခန်းက ပြန်လာတာမလားဟင်.. ဒေါက်တာက ဘာပြောလိုက်လဲ"
ဆွေးမြည့်နေသော အိတ်ထဲက ဖိုင်တွဲလေးကို သူထုတ်ပြဖို့ရာ မဝံ့မရဲ။ မပြလို့ကလည်း မဖြစ်ပြန်။
Pneumoniaဆိုတဲ့ စာလုံးကိုပင် တခြားအဓိပ္ပါယ်သက်ရောက်သည်ဟု လိမ်ညာလိုက်သင့်လား။
ထိုအတွေးများက JungKookမျက်နှာမှာ တိုက်ရိုက်ထင်ဟပ်လာသည်။
"ဘာလို့လဲ။ မကောင်းတဲ့ အဖြေဖြစ်နေလို့လား။ ငါအဆင်ပြေပါတယ်.. ဘယ်လိုအဖြေပဲဖြစ်ဖြစ်"
"အဲ့လို မဟုတ်ပါဘူး"
"ဒါဆို ဘာလို့လဲ ပြလေ။ ဒီအိတ်ထဲမှာလား ငါထုတ်ကြည့်လိုက်မယ်"
"အရင်ဆုံး အိမ်ထဲဝင်ပါဦးကွာ"
Taehyungက ထိုဟောင်းနွမ်းနေသော အိတ်ကြီးကို ဆွဲယူ၍ အိမ်ထဲဝင်သွားသည်။
တကယ်တော့လေ.. JungKook အိမ်ထဲလိုက်ဝင်ရမှာ ကြောက်နေတာ..။ ကာယကံရှင် မည်သို့တုံ့ပြန်မည်မှန်း မသိသော်လည်း သူ့အသည်းနှလုံးများကတော့ဖြင့် မွစာကြဲမတတ် နာကျင်လှပြီ။
ခြေတစ်လှမ်းချင်းစီကို အားပြု၍ အိမ်ထဲလိုက်ဝင်တော့ Taehyungက ထိုဖိုင်တွဲကို ဖွင့်ကြည့်နေလျက်သား။
သွားပြီ.. သူသိသွားပြီ။ Pneumoniaဆိုတဲ့ စကားလုံးကိုလည်း သူသိနေခဲ့မှာပဲ။
"Kim... Kim Taehyung.."
"ငါ..ငါအမြင်မှားနေတာ မဟုတ်လားဟင်..မောင်.. ငါအမြင်မှားတယ်လို့ ပြောပေးစမ်းပါ"
"အချစ်ရယ်.. ကျုပ်ဘယ်လို.."
"ငါ့မှာ ဒီရောဂါရှိနေတာလား..ဟင့်အင်း မဖြစ်နိုင်ဘူး"
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
