Recommended song - 'Ghost' by Justin Bieber
Unicode~
"မောင်.."
"ဟင်.."
"အဲ့ဒီ ပန်းပင် တွေ ၀ယ် လာ တာလား"
"ဟင့်အင်း.. အလေ့ကျပေါက်လာတာ"
လယ်စောင့်တဲလေးရှေ့ မြေတူးဆွကာ အိုင်းရစ်ပန်းပင်များကိုစိုက်ပျိုးနေသော JungKookက လှမ်းလို့ဖြေသည်။
လယ်စောင့်တဲအိမ်လေး၏ အဆင်းက လှေကားထစ်မှာ သခင်က ထိုင်နေခဲ့သည်။ လေတဖြူးဖြူးတိုက်သည်က အဆက်မပြတ်.. ထို့ကြောင့်ပင် ခြံထည်အပါးလေးအား ခြုံလွှားထားရသည်။
"လေအရမ်းတိုက်တယ် အထဲမှာ နေပါလား"
"ဟင့်အင်း.. ငါ မင်းအိုင်းရစ်ပန်းတွေစိုက်နေတာကို မြင်ချင်တာ.."
"ခင်ဗျားနေကောင်းရင် ဒီတစ်ခင်းလုံးကို အိုင်းရစ်ပန်းတွေနဲ့ အစားထိုးပေးမယ်။ အဲ့တာကြောင့် ခင်ဗျားက မြန်မြန်နေကောင်းလာပေး"
Kim Taehyung၏ အပြုံးများက အမြဲတမ်းလှပလေ့ရှိသည်။ ဖျော့တော့တော့အပြုံး၊ လန်းဆန်းတက်ကြွနေသော အပြုံး၊ စိတ်အားထက်သန်မှုအပြည့်နှင့် အပြုံး စသဖြင့် အမျိုးမျိုး.. ဘယ်လိုနည်းနဲ့ပြုံးပြုံး အလှဆုံးပါပင်။
သို့သော် အခုအပြုံးများကို သူစိတ်တိုင်းမကျ။ တစ်စုံတစ်ခုက စိုးရိမ်ဖွယ်ကောင်းနေသကဲ့သို့ သူခံစားမိသည်။
"ငါ့ဘေးလာထိုင်.."
ပေါက်တူးကိုချကာ အနားနားထိုင်ပေးတော့ သူ့ပုခုံးပေါ် မှီတွယ်လာလေသည်။ ပူကျစ်ကျစ်အထိအတွေ့ကြောင့် ဘယ်လောက်ထိ ကိုယ်အပူချိန် မြင့်တက်နေမည်ဆိုတာကို သာမိုမီတာမလိုဘဲ ခန့်မှန်းနိုင်သည်။ သူဟာ သည်လောက်အထိ အကြင်သူ၏ အခြေအနေအား ဂရုပြုနိုင်သူ ဖြစ်ပါ၏။
သည်လိုအနေအထားလေးကို တစ်သက်လုံးထိန်းသွားနိုင်လျှင်ဖြင့် မည်မျှကောင်းလိမ့်မည်နည်း။ အသက် ၇၀၊ ၈၀ လူ့ဘဝသက်တမ်းတလျှောက်လုံး ကိုယ့်ပုခုံးပေါ်မှာ သည်လူမှီတွယ်နေပါသည်ဆိုသည့် ခံစားချက်မျိုးကို သူခံစားကြည့်ချင်ပါသေးသည်။
YOU ARE READING
𝐋𝑢𝑐𝑖𝑑 𝐃𝑟𝑒𝑎𝑚
FanfictionI might be able to unfold the actions. Awareness of being a dream can't help me awake. As long as it's you.., I'd be gladly stuck. You're my 'Lucid Dream' but still can't I get rid of you.. Kookv JJK x KTH [Disclaimer : This is just a fiction and no...
