Du-AL [A/B/O]

Ep--14

_Uni_

အရှေ့ဘက် ဂျွန်မျိုးနွယ်စုတွင်ဖြစ်သည်။ မျိုးနွယ်စုခေါင်းဆောင်ဂျွန်၊ ဆက်ခံသူဂျွန်ဂျောင်ကု အပါအဝင် မျိုးနွယ်စုအကြီးအကဲများက စားပွဲဝိုင်းတစ်ခုတွင်ထိုင်ကာ ကိစ္စတစ်ခုကို အကြိတ်အနယ်ဆွေးနွေးနေကြသည်။

ဂျွန်မျိုးနွယ်စုတွင် ပြဿနာတစ်ခုဖြစ်နေခဲ့သည်မှာကြာပြီဖြစ်သည်။ အကြောင်းမှာ မျိုးနွယ်စုအတွင်းတွင် Alphaငယ်များ ပျောက်ဆုံးသွားခြင်းဖြစ်သည်။ လက်ရှိအချိန်ထိ အသွင်ပြောင်းတတ်စ Alphaငယ် ငါးယောက်ထိ ပျောက်ဆုံးနေပြီး ပျောက်ဆုံးရသည့်အကြောင်းအရင်းအပြင် အသက်ရှင်၊ မရှင်ကိုလည်း သူတို့ မသိရသေးပါ။ ထိုကိစ္စကို မျိုးနွယ်စုဆက်ခံသူတစ်ယောက်အနေနှင့် ဂျောင်ကုက တာဝန်ယူစုံစမ်းနေသော်လည်း အခြေအနေတစ်စုံတရာ တိုးတက်ခြင်းမရှိသေးပေ။ ထို့အတွက် အရေးပေါ်ကောင်စီတစ်ခုဖွဲ့စည်းကာ အခြေအနေအရပ်ရပ်ကို ဆွေးနွေးတိုင်ပင်နေကြခြင်းဖြစ်သည်။

"ပထမဆုံး Alphaက လွန်ခဲ့တဲ့ သုံးနှစ်လောက်က ပျောက်ခဲ့တာ။ သေလား၊ရှင်လားကို မသိခဲ့ရသလို ခုချိန်ထိသူ့အကြောင်းကိုတောင် စုံစမ်းလို့မရသေးဘူး။"

  မျိုးနွယ်စု အတိုင်ပင်ခံ True Betaကြီးက ထိုစကားကို ‌မချင့်မရဲဖြင့်ထုတ်ပြောလာသည်။ အညိုရောင်အသွင်ပြောင်းဝံပုလွေဖြစ်သည့်အပြင် True Alphaနီးနီး အင်အားကြီးသူဖြစ်၍ မျိုးနွယ်စုတစ်ခုလုံးက လေးစားခြင်းခံရသူဖြစ်သည်။

"ဂျွန်မျိုးနွယ်စုအနေနဲ့ ဒီကိစ္စက အရှက်ရစရာတစ်ခုဖြစ်တော့ ခေါင်းဆောင်အမိန့်အရ မသိမသာပဲ လှုပ်ရှားကြရတယ်။ အဲ့အချက်ကလည်း လိုသလောက် ခရီးမပေါက်ရတဲ့ အကြောင်းအရင်းပဲ။"

ဂျောင်ကုက စိတ်ထဲတွင် မချင့်မရဲဖြင့် ထိုစကားတို့ကိုဆိုသည်။ ခေါင်းဆောင်ဂျွန်မျက်နှာ တင်းကနဲဖြစ်သွားသော်လည်း ဘာမျှတော့ ဝင်မပြောပါ။ ချစ်ကြည်ရေးပွဲတွင် အနိုင်ရရှိသူ သားဖြစ်သူအပေါ် သူ့ဩဇာတွေက ထင်သလောက် မ‌သက်ရောက်တော့ကြောင်း ခေါင်းဆောင်ကိုယ်တိုင်သဘောပေါက်သည်။

"နောက်‌တစ်ချက်သိရတာက ရန်သူက အင်အားတောင့်တင်းပြီး ကျွန်တော်တို့ မှန်းဆမထားမိတဲ့သူ ဖြစ်မယ်။ နောက်ပြီး သူက ကျွန်တော်တို့မျိုးနွယ်စုတွေ‌အကြောင်းကို သေချာသိနေပြီး သေချာကိုင်တွယ်နိုင်တဲ့သူပဲ ဖြစ်ရမယ်။"