Du-AL [A/B/O]

Ep-- 17

_DuAl_

"အားးး"

စူးစူးနစ်နစ်အော်သံနက်ကြီးကြောင့် နာကျင်ခံစားမှုက အသည်းခိုက်အောင်ဖြစ်မည်။ ချွေးသီးများက မျက်နှာပေါ်အလုအယက်ကျလာကြပြီး နာကျင်မှုကို ခံစားနေသူမှာ အံတင်းတင်းကြိတ်၍ဖြစ်သည်။ ခန္ဓာကိုယ်ကို လူးလွန့်လျက် အော်ဟစ်နေသူသည် နောက်ဆုံးတွင် နာကျင်မှုတွေပေါက်ကွဲသွားသည့်ဟန် နက်နက်နဲနဲအော်သံကြီးတစ်ချက်ဟစ်၍ ကြီးမားသောအသွင်ပြောင်းဝံပုလွေကြီးဖြစ်လာသည်။

"ဖြီး...."

ဘယ်အခြေအနေဖြစ်ဖြစ် ပုံမှန်မဟုတ်ခြင်းများသည် ကောင်းမွန်နေခြင်းတော့မဟုတ်။ ယခုကဲ့သို့ ပုံမှန်မဟုတ်သော ကြီးထွားနှုန်းတွင် ကြမ်းတမ်းခြင်း၊ ရဲတင်းခြင်းနှင့် ရိုင်းစိုင်းခြင်းတို့ ပိုမို အစိုးရနေသည်။ အနီရောင်မျက်လုံးပြူးများက ပုံမှန်အသွင်ပြောင်းဝံပုလွေများနှင့် မတူစွာ သားရဲပိုဆန်သည်။

ထိုအသွင်‌ပြောင်းဝံပုလွေသည် ပြည့်တင်းသောအားအင်များဖြင့် ဦးခေါင်းကို တစ်ချက်ခါလိုက်ရင်း ခေါင်းကိုမော့ကာ ကျယ်လောင်စွာ အူကြွေးလိုက်သည်မှာ ဝန်းကျင်တစ်ခုလုံးညံနေလျက်ပင်

"အူ~~"

"ဟ! ဒီခံစားချက်ပဲ ငါအမြဲလိုချင်နေတဲ့ လောကတစ်ခုလုံးရဲ့ အထက်မှာရှိနေမဲ့အငွေ့အသက်တွေ။"

‌ထိုအချိန်လက်ခုပ်သံချက်နှင့်အတူ

"အိုး ဟိုး လူကြီးမင်းရဲ့ အစီအစဥ်တွေအောင်မြင်နေတာ ဘယ်သူ့ကြောင့်လဲနော်"

သူ့အနောက်မှာ ရှိနေသည့် ဆံဖြူတစ်ယောက်ကို လည်ပြန်ကြည့်လိုက်ရင်း

"လက်ခုပ်မတီးနဲ့ Dim ဒီနယ်မြေမှာ ဘာမဆိုဖြစ်သွားနိုင်တယ်နော်။ အရင်တစ်ခါက သူတို့ဘက်လည်း အထိနာသလို ငါတို့ဘက်လည်း မနည်းအထိနာခဲ့တယ်။ ငါလိုချင်တဲ့ Alpha ငယ်တစ်ကောင်ကိုလည်းမရခဲ့ဘူး။ဒီတစ်ခါတော့ မင်းရဲ့ဖန်တီးမှုတွေ ဘယ်အ‌ေခြအနေထိရောက်မလဲ သိချင်တယ်။ မဟုတ်ရင်တော့ ငါလူကြီးမင်း ဘယ်အရာကိုသံသယဝင်ရမလဲ...."

ခြိမ်းခြောက်ဟန် ပြုံးစစပြောလိုက်သဖြင့် Dim အနည်းငယ်တော့ ရယ်ကျဲကျဲဖြစ်သွားသည်။ ကြောက်ရွံ့ခြင်းတော့မဟုတ်။ အဘယ်ဆို ဒီဝံပုလွေတွေက လောလောဆယ်တော့ သူ့ဖန်တီးမှုတွေနဲ့ ကင်းမနေသူတွေလေ..... ကြောက်ခြင်းကြောက် သူ့ဖန်တီးမှုတွေကို ကြောက်ရွံ့နေရမှာမလား။