Until He Come

အပိုင်း-(၁)

Unicode

စစ်မှန်တဲ့အချစ် ၁ ခုမှာနာကျင်မှု​တွေမရှိဘဲ​မ​နေဘူး။ ကျွန်မဟာ အချစ်စစ် ၁ ခုကိုမခံစားမိခဲ့ဘူး သူနဲ့မ​တွေ့ခင်အချိန်ထိ​ပေါ့။ အားလုံးကထင်ကြတယ် ၁ ဖက်သက်အချစ်ဟာ ခဏတာစိတ်ခံစားချက်​လေး ၁ ခုဖြစ်ပီး နာကျင်မှုနည်းတယ်လို့။ ဒါ​ပေမဲ့ ၁ ဖက်သက်အချစ်ဖြစ်​နေရုံနဲ့ပဲ အဲ့အချစ်ကမ​လေးနက်ဘူးလို့ မဆိုလိုဘူး။ ၁ ဖက်သက်အချစ်ဟာလဲ နာကျင်ရပါတယ် ကိုယ်ချစ်မိရင် ချစ်မိသ​လောက်ထိ​ပေါ့။ ကျွန်မဟာ အစွဲလမ်းကြီးတဲ့လူ ၁ ​ယောက်ဖြစ်ခဲ့တယ်။ အဲ့တာ​ကြောင့်လဲ နာကျင်မှု​တွေကြုံ​တွေ့ခဲ့ရပါတယ်။ ကိုယ်ခင်မင်မိတဲ့ လူ ၁ ​ယောက်ကိုဆုံးရှုံးရတဲ့အခါတိုင်းမှာ​ပေါ့။ ဒါ​ပေမဲ့ အကြိမ်ဖန်​တွေများလာတဲ့ အဲ့နာကျင်မှု​တွေနဲ့ အသားကျသွားခဲ့တာလား အမာရွတ်​တွေအထပ်ထပ်ဖြစ်သွားခဲ့လို့ နှလုံးသားကမခံစားတတ်​တော့တာလား မသဲကွဲဘူး။ ကျွန်မဟာ ခွဲခွာရခြင်းနဲ့ ပက်သက်ပီး​သွေး​အေးသွားခဲ့တယ်။ ကိုယ်ခင်မင်ရတဲ့ လူ ၁ ​ယောက်ကိုယ့်နားကထွက်သွားတဲ့အခါတိုင်း သူများ​တွေလို မျက်ရည်မကျမိ​တော့ဘူး။ ရင်ထဲမှာဟာတာတာခံစားချက်ကလွဲလို့ ဘာကိုမှ အဲ့​လောက်ထိဝမ်းနည်းတယ်လို့မခံစားမိ​တော့ဘူး။ သူ... ဟုတ်တယ် သူက​တော့ ကျွန်မ​မေ့​နေခဲ့တာကြာပီဖြစ်တဲ့ ခံစားချက်​တွေကို ပြန်ခံစားမိ​အောင်လုပ်​ပေးခဲ့တဲ့ လူ ၁ ​ယောက်ပဲ။
__________

'လရိပ်...​ဆောင်းလရိပ်'

ဝသန်မိုး ရဲ့​ခေါ်သံ​​ကြောင့် လရိပ် ​နောက်သို့လှည့်ကြည့်ကာ ပြုံးရယ်နှုတ်ဆက်လိုက်မိသည်။ လရိပ် ရဲ့အပြုံး​တွေကို အားလုံးကနှစ်သက်ကြတာ​ကြောင့် လရိပ် အမြဲလိုလိုပြုံးရယ်​နေမိတာဖြစ်မည်။ ဝသန် ကလရိပ် ဆီ​လျှောက်လာသည်။

'နင့်ကို မနဲ​ခေါ်လိုက်ရတယ်'

'နင် ဒီ​နေ့​စောလှပါလား'

'အင်း ဒီ​နေ့ မနက်​ဘေးအိမ်မှာအလှူလုပ်​နေတာ​လေ သီချင်းသံ​တွေ နှိပ်စက်လွန်းလို့ ထလာလိုက်တာ'

'ဪ အဲ့တာ​ကြောင့်ကိုး'

လရိပ် ဝသန် နဲ့အတူတူ ​စာသင်ခန်းဆီ​လျှောက်လာခဲ့လိုက်သည်။ ထိုင်​နေကျအတန်းမှာ ဝင်လိုက်ရင်း ဝသန် နဲ့​ရောက်တတ်ရာရာ စကား​တွေ​​ပြောနေမိတာ ဘယ်​လောက်​တောင်ကြာသွားလဲမသိ​။ ဆုဖြူစင် နဲ့ ​​သစ္စာနွယ် တို့​တောင်အတန်းထဲ​ရောက်လာကြသည်။ ဆုဖြူစင် က လရိပ် တို့ကို​တွေ့​တော့ နှုတ်ဆက်ရင်း ​သစ္စာနွယ် ဘက်လှည့်ကာ၊