Until He Come

အပိုင်း-(၂)

Unicode

အဲ့​နောက်​တော့ ၁၀း၀၀ ​​လောက်တွင် ဝသန် ​​၏နှိုး​ဆော်မှု​​ကြောင့် rehearsal လုပ်ရမည့်​နေရာသို့​လာခဲ့ပါသည်။ ​လေ့ကျင့်​ပေးမည့်ဆရာ၊ စီနီယာအချို့နှင့် လရိပ် တို့သာရှိ​နေပီး လူမစုံ​သေးတာ​ကြောင့် နည်းနည်း​လောက်​​စောင့်ခဲ့ပီးမှ rehearsal စဖြစ်ခဲ့သည်။ rehearsal က​ပျော်စရာ​ကောင်းသည်။ စီနီယာအကိုကြီး​တွေက ဂီတာတီးပီး သီချင်းဆိုကြသည်။ လရိပ် က​တော့ လမ်း​လျှောက်ကျင့်ရတာပင်ပန်း​ပေမဲ့လဲ ​ပျော်​နေခဲ့ပါသည်။ ဝသန် က​တော့ အကြီးအကျယ်တိုင်ပတ်​နေခဲ့တာဖြစ်သည်။ မင်းစစ် က လရိပ် တို့ rehearsal တွင်သူ့သူငယ်ချင်း​တွေရှိ​နေသဖြင့် လာကြည့်​နေတာဖြစ်သည်။ ဝသန် က မင်းစစ် ကို ၁ ချက်ကြည့်လိုက်ပီး၊

'အဲ့​​ကောင်က ဘာလို့ ဒီ​ရောက်​နေတာတုန်း'

လရိပ် လဲ ဝသန် ​ပြော​တော့မှ မင်းစစ် ကို ၁ ချက်ကြည့်လိုက်မိရင်း ရယ်လိုက်မိကာ၊

'သူ့သူငယ်ချင်း​တွေ ရှိတယ်​လေဟယ် နင်ကလဲ'

'ရှိလဲ မလာနဲ့ သွား'

'သူကလဲ ရည်းစားရပီး​တော့မှ မျက်စိ​ရှေ့မှာချည်းပဲ'

'အဲ့တာ​ပြောတာ'

ဝသန် ကမ​ကျေနပ်စွာ​ မျက်​စောင်းခဲရင်းပြော​​တော့ လရိပ် သ​ဘောကျစွာ ၁ ချက်ရယ်လိုက်မိပါသည်။ ဝသန် ဒီတိုင်း​တောင် တိုင်ပတ်​နေပါတယ်ဆို သင်​ပေးတဲ့ဆရာက ​စင်​ပေါ်မှာ ​လျှောက်ရမယ့်လမ်း​ကြောင်း​တွေကို ​ပြောပြ​နေ​​တော့ မင်းစစ် က ဝသန့် ​ရှေ့တည့်တည့်က​နေထိုင်ပီးနား​ထောင်​နေခဲ့တာ​လေ။ သူနဲ့လဲမဆိုင်ဘဲနဲ့ ဝသန် တို့ welcome မှာသူတက်​လျှောက်ရမှာလဲ မဟုတ်ဘဲနဲ့။

​ခွေး​ကောင်!

လရိပ်က​တော့ ကိုယ့်အာရုံနှင့်ကိုယ်ပင် ဆရာ​ပြောတဲ့ ရှုပ်ယှက်ခက်​နေတဲ့ လမ်း​ကြောင်း​တွေလဲ နား​ထောင်ရင်း စိတ်​တွေလဲလွင့်​နေရင်း​ပေါ့။ မနက်ပိုင်း rehearsal ကသိပ်အကြာကြီးမလုပ်ခဲ့ရပါဘူး ​နေရာက ပွဲလုပ်မဲ့​နေရာမဟုတ်လို့ အဆင်မ​ပြေတာနဲ့ ​နေ့လည်ကျမှ ပွဲလုပ်မယ့် ​နေရာတွင်​တွေ့ဖို့ ထပ်ချိန်းလိုက်ကြသည်။ ထိုအခါ ဝသန် ​ကလွတ်လပ်ပီဆို​သောပုံစံဖြင့် အိတ်ကိုဆွဲကာထွက်သွား​တော့ လရိပ်​ ​တောင်မီ​အောင်မနဲလိုက်ခဲ့ရသည်။ ကန်တင်းသွားတဲ့လမ်း​ရောက်မှ ဝသန် က၊