Сүүлийн хэдэн хоног хүн бүр л завгүйн дээр аюулгүй байдалдаа маш их анхаарал хандуулж эхэлсэн юм.
Бяцхан хотод минь аюул занал салхинд туугдан ирэв үү? гэлтэй ойрын хугацаанд уулнаас хүмүүс алга болж удалгүй хэд хэдэн цогцос ч олдоод амжжээ.
Энэ хотын аюулгүй байдлыг хангах үүрэг хүлээсэн цагдаа болох аав минь хэргийн ардаас мөшгиж тун ч завгүй ажиллана.
Харин хүний нүднээс далдуур бусдыг хамгаалдаг найз залуу минь тайлбар өгөх завгүй байгаа.....
Бүр хичээлээс ч чөлөө авчихсан...
Би "Өнөөдөр бас л оройтох уу?" гэж асуунгаа үүдэнд дүрэмт хувцасаа янзлан зогсох аав руугаа санаа зовинонгуй ширтэхэд тэр өөдөөс минь дөлгөөн инээмсэглээд "Харамсалтай нь тиймээ.. ирэхгүй байж ч магадгүй болохоор миний охин гэртээ эртхэн ирээрэй! Бас хаалга үүдээ сайн цоожлоорой! Миний өгсөн нулимс асгаруулагч, цахилгаан бороохой байгаа биздээ?"
Би толгой дохиод "Би зүгээрээ. Харин та л болгоомжтой байх хэрэгтэй шүү!! Бас... хэргийн учир олдоогүй л байна уу?"
Аав "Бид үүнийг баавгай эсвэл зэрлэг чоно гэж бодож байгаа.. найзууддаа гадуур хамаагүй явах хэрэггүй ойгоос хол бай! гэж сануулаарай" хэмээхэд нь би толгой дохилоо.
~~~~~~~~~~~~~~~~~~~~~~~~
Хичээлдээ ирэх үед бүгд л ойгоос олдсон хүмүүсийн талаар ярицгааж байлаа. Тэдний айж байгаа нь нүдэнд нь илхэн харагдана.
Залуус өнөөдөр ч бас хичээлдээ ирээгүй байв...
Жүён их л баргар царайтай намайг угтах бөгөөд "Чи залуусаас сураг дуулсан уу?" гэж асууна.
Би толгойгоо зөөлөн сэгсрээд "Үгүй ээ.. одоохон доо тэд ямар нэг юм дуулгаагүй л байна. Гэхдээ зүгээр байгаа гэдэгт нь итгэлтэй байна. Тэд бидний мэдэхээс ч хүчирхэг шүү дээ." гэж хэлээд түүнд дэм өгөх гэсэндээ инээмсэглэлээ.
Жина, Хэсү хоёр ч бас санаа нь зовж байгаа нь илт...
Энэ өдөр нэг л тавгүй дээрээс нь санаа зовинол дүүрэн өрнөж хичээл ч тарлаа.
Гэртээ ирэх үед аав над руу залгаад оройтохоо хэлсэн бөгөөд би ч хаалга үүдээ цоожилж хоол хийж идчихээд хичээлээ хийн өрөөндөө сууна.
Хэдий хичээлдээ анхаарлаа хандуулахаар хичээж байгаа ч гэсэн ухаан санаа минь өөр газарт явах мэт л төвлөрч өгөхгүй байлаа.
ВИ ЧИТАЄТЕ
🐺👑🌕Миний альфа\Дууссан\🌕👑🐺
Про оборотнейЭнэ бол жирийнээс жирийн, энгийнээс ч энгийн гэдгээс алхам ч зөрөхөөргүй миний хэрхэн ээдрээтэй мөн уран зөгнөлт амьдрал руу татагдан орж альфад дурласан түүх юм. "Миний альфа.." ▪▪▪Бүгд миний оюун бодлоос гарсан зохиомж бөгөөд яма...
